Eke N̄kparawa Owo

Da Nọ Utuakibuot Akpanikọ!

Mme Item: Tie ke ebiet oro uyom mîdụhe. Kot mme itie N̄wed Abasi emi nyụn̄ nam se ẹdọhọde anam mi. Nam nte omokụt se ẹbụkde ke itie N̄wed Abasi oro ye nte ke afo do ye mmọ. Nam nte omokop se ẹtịn̄de. Kere nte se iketịbede ẹketụkde mme owo emi ke idem. Yak itien̄wed emi enen̄ede otụk fi.

Mme akpan owo ke mbụk emi: Elijah, Ahab, ye prọfet Baal 450

Se mbụk emi aban̄ade: Elijah owụt ke Jehovah okon̄ akan Baal.

1 TIE KERE SE IKETỊBEDE.—KOT 1 NDIDEM 18:17-40.

Da babru drọ nte Elijah ye mme prọfet Baal ẹdade ke iso mme itieuwa.

Nso utọ uyom ke okop ke ini ẹsịnde editịm oro ẹbụkde ke ufan̄ikọ 26 esịm 29?

․․․․․

Afo ekere ke Elijah enịm didie uyo etịn̄ ikọ ye mme prọfet Baal?

․․․․․

2 NEN̄EDE TIE KERE.

Ntak emi okoyomde Elijah enyene uko man enye ekpekeme ndiketịn̄ ikọ ye Ahab nnyụn̄ nnam n̄kpọ emi edisuenede mme prọfet Baal? (Kot 1 Ndidem 18:4, 13, 14.)

․․․․․

Da mme n̄kpọ unam ndụn̄ọde oro enyenede yom ntọt oro aban̄ade nte ẹkesituakde ibuot ẹnọ Baal. Ke uwụtn̄kpọ, nso ye nso ke ẹkesinam do? Didie ke emi akafịna nditọ Israel?

․․․․․

 Afo ekere ke nso ikanam Elijah ọdọk ukpe akanade itieuwa Jehovah onyụn̄ ọdọn̄ mmọn̄ ọyọhọ ukpe emi?

․․․․․

3 DA SE EKPEPDE SỊN KE EDINAM. WET SE EKPEPDE ABAN̄A . . .

Uko oro anade inyene man ikeme ndida nnọ utuakibuot akpanikọ.

․․․․․

Ufọn emi mbon emi ẹnyenede utọ uko emi ẹsidiade.

․․․․․

KA ISO DA SE EKPEPDE SỊN KE EDINAM.

Ini ewe ke ekeme ndiwụt ke emenen̄ede enyene uko ndida nnọ utuakibuot akpanikọ? _______

․․․․․

4 NSO KE AFO ENEN̄EDE AMA KE MBỤK EMI, NDIEN NTAK-A?

․․․․․

Edieke oyomde ndifiọk n̄kpọ en̄wen mban̄a Bible, dọhọ Mme Ntiense Jehovah ẹnọ fi idem kiet, mîdịghe kot ke ikpehe intanet emi www.watchtower.org YE www.pr418.com