Eke N̄kparawa Owo

Kpeme Idem ye Ndiọi Spirit!

Item: Tie ke ebiet oro uyom mîdụhe kot mme itie N̄wed Abasi emi nyụn̄ nam se ẹdọhọde anam mi. Nam nte omokụt se ẹbụkde ke itie N̄wed Abasi oro ye nte ke afo do ye mmọ. Nam nte omokop se ẹtịn̄de. Kere nte se iketịbede ẹketụkde mme owo emi ke idem. Yak itien̄wed emi enen̄ede otụk fi.

1 TIE KERE SE IKETỊBEDE.—KOT GENESIS 6:1-6 YE UTOM 19:11-20.

Afo ekere ke mme Nephilim ẹketie didie?

․․․․․

Afo ekere ke eketie irenowo oro didie ke idem ke ini mmọ ẹkesobode ye idiọk spirit oro ẹtịn̄de ẹban̄a ke Utom 19:13-16?

․․․․․

2 NEN̄EDE TIE KERE.

Da mme n̄kpọ unam ndụn̄ọde oro enyenede nam ndụn̄ọde ban̄a mme Nephilim. Afo ekere ke nso ikanam mmọ ẹtie afai afai?

․․․․․

Didie ke ndiọi spirit “[ẹkekpọn̄] nnennen ebietidụn̄ mmọ”? (Kot Jude 6.) Ntak emi ekerede ke ikenenke mmọ ndidi isọn̄ ndidọ iban ye nte ke emi ekenen̄ede edi ata obukpo ido?

․․․․․

Nso ke mbụk iba emi ẹkpep fi ẹban̄a nte use ye afai ẹbọde ndiọi spirit ibuot?

․․․․․

  3 NAM SE EKPEPDE. WET SE EKPEPDE ABAN̄A . . .

Nte ndiọi spirit ẹbakde ibak ẹnyụn̄ ẹkerede ẹban̄a idemmọ kpọt.

․․․․․

YOM USỤN̄ EN̄WEN NDINAM SE EKPEPDE.

Sia ndiọi spirit mîkemeke aba ndiwọrọ nsan̄a ke ererimbot nte mme owo, ewe usụn̄ en̄wen ke mmọ ẹkeme ndida ntụn fi usụn̄?

․․․․․

Nso utọ ikwọ m̀mê orụk unọidem inemesịt en̄wen ẹwụt edu ndiọi spirit ye se mmọ ẹmade?

․․․․․

Nso ke akpanam ndiwụt ke imebiere ndin̄wana ye ndiọi spirit? (Fiak kot Utom 19:18, 19.)

․․․․․

4 NSO INEN̄EDE ITỤK FI KE MBỤK EMI, NDIEN NTAK-A?

․․․․․

[Se ẹwetde ẹban̄a ndise ke page 31]

Edieke mûnyeneke bible, dọhọ mme Ntiense Jehovah ẹnọ fi idem kiet, mîdịghe kot ke ikpehe intanet emi www.watchtower.org