Didie Ke Afo Ada Jesus?

Ndi ada Jesus nte obufa nsekeyen, m̀mê owo emi ekperede n̄kpa, m̀mê nte Edidem oro ẹnọde ubọn̄?

Bible ọdọhọ ke Jesus edi akwa Edidem. Edi nso ke oro edinam inọ fi?

Ediwak owo ẹnịm ke Jesus akakpa ọnọ mmimọ. Edi didie ke owo kiet ndikakpa ke n̄kpọ nte isua 2,000 emi ẹkebede ekeme ndinọ mbon en̄wen uwem mfịn?

Imokot fi ite edi edikop nte ẹdidade N̄wed Abasi ẹbọrọ mme mbụme emi. Ẹdibọrọ mme mbụme emi ke ini Mme Ntiense Jehovah ẹdisopde idem man ẹti n̄kpa Jesus. Mmọ ẹsiti n̄kpa Jesus ke nnennen usenọfiọn̄ emi Jesus akakpade, ndien eke isua emi edidi ke Thursday, April 5, ke utịn ama okosop.

Mbọk bụp Mme Ntiense Jehovah ke edem mbufo ini ye ebiet emi ẹdinamde edinam emi.

Ke ẹma ẹkenịm Editi n̄kpa Jesus ẹma, Mme Ntiense Jehovah ẹyenọ n̄ko aduai-owo-idem utịn̄ikọ Bible emi ibuotikọ edide, “Ndi Utịt Ebịghi Akan Nte Afo Ekekerede?” ke utịturua oro. Utịn̄ikọ emi edidi kiet ke otu akpan n̄kpọ emi ẹnamde ke ofụri ererimbot man ẹn̄wam kpukpru mbon emi ẹmade akpanikọ ẹnyụn̄ ẹyomde ndikpep ekese mban̄a Jesus. Imokot fi ite etiene edidụk.