Mme Mbụme Bible Oro Ẹbọrọde
Anie akara ererimbot emi?
Edieke edide Abasi akara, ndi enye akpayak ufen okpon ke isọn̄ ntem?
Ediwak owo ẹnịm ke Abasi akara ererimbot emi. Edieke edide Abasi akara, ndi enye akpayak ufen okpon ke isọn̄ ntem? (Deuteronomy 32:4, 5) Bible ọdọhọ ke ata idiọk owo akara ererimbot emi.—Kot 1 John 5:19.
Utọ owo emi akasasan̄a didie ọtọn̄ọ ndikara ererimbot? Ke ini emi Abasi okobotde Adam ye Eve, angel kiet ama ọsọn̄ ibuot ye Abasi onyụn̄ anam mmọ ẹtiene ẹsọn̄ ibuot ye Abasi. (Genesis 3:1-6) Angel emi akakabade edi Satan. Adam ye Eve ẹma ẹkop uyo esie, ntre ke Satan ọkọtọn̄ọ ndikara mmọ. Abasi ikpọn̄-ikpọn̄ enyene unen ndikara owo, edi enye oyom nnyịn ibiere ke idem nnyịn ke imama ukara imọ. (Deuteronomy 6:6; 30:16, 19) Satan abian̄a ata ediwak owo anam mmọ ẹtiene Adam ye Eve ẹmek enye nte andikara.—Kot Ediyarade 12:9.
Anie editre kpukpru afanikọn̄ ererimbot emi?
Ndi Abasi ayayak Satan aka iso akara ukara ibak esie emi? Idiyakke! Abasi ayada Jesus ọdiọn̄ kpukpru se Satan abiatde.—Kot 1 John 3:8.
Jesus ayada odudu emi Abasi ọnọde enye osobo Satan. (Rome 16:20) Ini oro ndien ke Abasi editọn̄ọ ndikara mme owo nnyụn̄ nnam mmọ ẹkop inemesịt ẹnyụn̄ ẹdu ke emem nte enye okoyomde ke editọn̄ọ.—Kot Ediyarade 21:3-5.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Ndi Ẹkpeduọhọ Abasi ke Ufen Emi Ibọde?
Owo ekededi ekeme ndibọ ufen—idem mbon oro Abasi amade. Ntak-a?
ENYỌN̄-UKPEME
Ntak Emi Emem Mîdụhe ke Ererimbot Emi-e?
Kpa ye oro ediwak owo ẹsịnde ukeme ndinam emem odu ke ererimbot emi, mmọ ikemeke. Kot se idide ntak mi.
BIBLE EKEME NDIBỌRỌ MBỤME FO
Ẹdinam Didie Ẹnyene Emem ke Isọn̄?
Se nte Abasi edidade Obio Ubọn̄ esie anam emem odu ke ererimbot.
