Owo Emi Ekpekpebede​—Timothy

Timothy ama eben̄e idem ndikpọn̄ ufọk​—edi idịghe nte enye okoyom ndifefehe n̄kpọn̄ ubon mmọ, edi okoyom nditiene Apostle Paul n̄kanam utom isụn̄utom. Ekeme ndidi Timothy ama ekpere ndisịm isua 20 ke ini enye akakabarede akparawa emi ẹkemede ndiberi edem, emi ‘nditọete ke Lystra ye Iconium ẹketịn̄de nti ikọ ẹban̄a.’ (Utom 16:2) Paul ama enịm ke Timothy ekeme ndinam ikpọ n̄kpọ ke utom Abasi. Se Timothy okonyụn̄ anamde edi oro! Ke mme isua oro ẹketienede, Timothy ama aka nsio nsio ebiet akasiak mme esop onyụn̄ ọsọn̄ọ nditọete idem. Nti edu Timothy ama anam Paul enen̄ede ama enye. Ke isua 11 ẹma ẹkebe, Paul ama asian nditọete ke Philippi ete: “Nnyeneke owo en̄wen eke enyenede edu emi ebietde esie, emi editịmde ese aban̄a mme n̄kpọ oro ẹban̄ade mbufo.”​—Philippi 2:⁠20.

Ndi ọmọnọ idemfo unyịme unyịme man Abasi ada fi anam utom esie? Eyenyene ediwak edidiọn̄ edieke anamde oro! Jehovah enen̄ede ama mme uyen emi ‘ẹnọde idemmọ unyịme unyịme.’ (Psalm 110:3) N̄ko-n̄ko, fiọk ete ke Jehovah Abasi ‘ikwan̄ake eke ekpesịnde enye efre utom fo.’​—Mme Hebrew 6:10.