Ikpehe 1

Owo Isio Uduot

Ekpetie fi didie ke idem edieke okpokụtde nditọ ufọkn̄wed mbufo, eren ye n̄wan, ẹmụmde kiet eken ubọk ẹsan̄a ke kọridọ?

□ Nso ibehe mi do?

□ Etie nte ọkpọdọn̄ mi

□ Ekpenen̄ede ọdọn̄ mi

Ekpetie fi didie ke idem edieke ekpetiede ye mme ufan fo ese fim, edi etise afo okụt ke kpukpru owo ẹtie ye iban m̀mê iren mmọ ke mîbọhọke afo ikpọn̄?

□ Mfịna idụhe

□ Ikpenemke mi

□ Ekpenen̄ede ọdọn̄ mi

Ekpetie fi didie ke idem edieke edima ufan fo ọkpọtọn̄ọde ndinyene udọn̄ ke idem owo isio uduot ndien mmọ ẹtọn̄ọ uyomima?

□ Ekpenem mi

□ Etie nte ọkpọdọn̄ mi

□ Akpayat mi

Erenowo ye n̄wan, n̄wan ye erenowo. Idụhe ebiet emi mûdukwe mmọ—ke ufọkn̄wed, ke efak, ke urua. Ini ekededi oro okụtde mmọ, ekeme nditie fi ke idem nte akpana etiene enyene owo fo. Edi ndi emeben̄e idem nditọn̄ọ uyomima? Edieke edide ntre, akpanam didie okụt owo emi edifọnde ye afo? Edieke onyụn̄ okụtde owo emi ọfọnde ye afo, nso ke ẹkpenam mbak mbufo ẹdinam oburobụt ido ke ofụri ini uyomima mbufo? Ibuot 1 esịm 5 ayan̄wam fi ọbọrọ mme mbụme emi.

 [Ndise ke page 12, 13]