KE N̄KPỌ nte isua 400 ko ke edem, ufuọn̄n̄kpọ utọ nte nutmeg, ntokon, ye mme n̄kpọ ntre ama anam ediwak idụt ẹforo ukem nte aranisọn̄ anamde mfịn. Ke uwụtn̄kpọ, nutmeg ye cloves, emi okotode mme ọwọrọetop isuo emi ẹkesikotde Spice Islands (emi ẹkotde idahaemi Maluku ye North Maluku ke Indonesia) ama anam Europe ẹforo etieti.

Mme owo nte Christopher Columbus, Vasco da Gama, Ferdinand Magellan, Samuel de Champlain, ye Henry Hudson ẹma ẹyom usụn̄ ẹka Spice Islands emi. Ndisan̄a nyom ufuọn̄n̄kpọ mbon Indonesia emi ama anam mme owo ẹtọn̄ọ ndidiọn̄ọ nte ererimbot nnyịn etiede.