N̄KPỌ emi esiwakde ndibiat n̄kpọ ke Indonesia edi unyekisọn̄, obot nditop mbomo, ye mmọn̄ akpa nditọ mmen obio. Ke ini emi etịbede, ikọt Jehovah ẹsisọsọp ẹn̄wam mme owo, akpan akpan nditọete mmọ. Ke uwụtn̄kpọ, ke 2005 akamba unyekisọn̄ ama owụri ufọk ke ofụri Gunungsitoli ke Nias Island ke North Sumatra. Ọfis nnyịn ye mme esop ke Sumatra ẹma ẹsọsọp ẹnọ n̄kpọ ẹka obio oro. Esenyịn circuit ye owo kiet ke ọfis nnyịn ẹma ẹdụk ubomofụm ẹka obio oro ẹkesọn̄ọ nditọete idem. Ebiowo kiet ke Nias emi ekerede Yuniman Harefa ọkọdọhọ ete: “Ndịk ama anam mme owo etieti. Edi nte esop Abasi ẹkesọpde ẹn̄wam nnyịn ama anam nnyịn idiọn̄ọ ke imenyene owo.”