USEN kiet akwaowo emi esede aban̄a mme ndedịbe bodisi ama ọdọhọ Brọda Sormin ete edi ọfis etubom ọbọpmbet.

Enye ama ọdọhọ Brọda Sormin ete: “Afo edi eyen Indonesia, kûdịp mi n̄kpọ. Nso ke Mme Ntiense Jehovah ẹnen̄ede ẹnam ke Indonesia emi?”

Brọda Sormin ama ọdọhọ ete: “Yak nnọ fi mbụk mi. N̄kesidi ọbọn̄ nditọ inọ, edi idahaemi nsikpep mme owo Bible. Utom Mme Ntiense Jehovah edi ndinam mbon emi ẹma ẹkeforo unam nte ami, ẹfiak ẹkabade owo. Se mmọ ẹnamde edi oro ke idụt emi!”

Akamba owo bodisi oro ama ọdọhọ ete: “Ẹtọt Mme Ntiense Jehovah emi ẹnọ mi ẹkaha. Edi mmọdiọn̄ọ ke Mme Ntiense idịghe ndiọi owo sia mmọ ẹkenam Mr. Sormin okpụhọde.”