Eyo Mme Ete-ekpụk

STEPHEN ọkọtọn̄ọ ọwọrọetop utịn̄ikọ kiet ke ndisiak mme ata ata obio, ete: “[Jehovah ama] owụt ete nnyịn Abraham Idem Esie, ke ini enye odude ke Mesopotamia, ke enye mîdụn̄ke ke Haran kan̄a; onyụn̄ ọdọhọ enye ete, Nam daha . . . di ke isọn̄ eke ndiwụtde fi.” (Ut 7:1-4) Emi ama esịn itiat idakisọn̄ ọnọ mme akpan n̄kpọntịbe oro ẹkedade itie ke Isọn̄ Un̄wọn̄ọ, oro ẹkebuanade Abraham, Isaac, ye Jacob, kpa mme n̄kpọntịbe oro ẹnyenede ebuana ye uduak Abasi ndidiọn̄ ubonowo.—Ge 12:1-3; Jos 24:3.

Abasi okokot Abraham (m̀mê, Abram) osio ke Ur mme Chaldea, obio uforo emi okodude ini oro ke edem usiahautịn mben Akpa Euphrates. Ewe usụn̄ ke Abraham akasan̄a? Ke otode Chaldea, kpa ikpehe oro ẹkotde n̄ko Sumer m̀mê Shinar, etie nte ekpekekpere usụn̄ ndisan̄a edem usoputịn. Ntak emi enye akasan̄ade edem edere aka Haran?

Ur okodu ekpere utịt utịt n̄kan̄ edem usiahautịn Ọsọbọ Ọsọbọ Eti Isọn̄, kpa ikpehe emi ebietde ubak ọfiọn̄, oro otode Palestine atara esịm akpa Tigris ye Euphrates. Etie nte idaha eyo ke ikpehe emi ama enen̄ede ọfọn. Desat Syria ye Arabia, emi edide itiat itiat obot ye utatan unaisọn̄, odu ke usụk usụk ọsọbọ ọsọbọ isọn̄ oro. The Encyclopædia Britannica ọdọhọ ete ke enye ekedi “n̄kpọ ubiọn̄ọ oro ekekperede ndidi se owo mîkemeke ndikan” emi okodude ke ufọt Mbenesụk Mediterranean ye Mesopotamia. Ekeme ndidi ndusụk mbonurua oro ẹkesiwatde ke camel ẹma ẹsito Euphrates ẹbe ẹka Tadmor ndien ekem ẹbe ẹka Damascus, edi Abraham ikadaha ubon esie ye mme otu ufene esie isan̄a ke utọ wilderness oro.

Utu ke oro, Abraham okoto itịghede Akpa Euphrates ọdọk aka Haran. Enye ama oto do asan̄a usụn̄ oro mbonurua ẹkesisan̄ade ebe mmọn̄ Carchemish emi mîtụn̄ọke, ndien ekem ebe edem usụk Damascus ekesịm se ẹkedide ẹdikot Inyan̄ Galilee. Via Maris, m̀mê “Usụn̄ Inyan̄,” okoto Megiddo esịm Egypt. Nte ededi, Abraham akasan̄a obot Samaria ebe, ke akpatre owụkde tent ke Shechem. Nte ini akakade, enye ama anam isan̄ odụk n̄kan̄ usụk usụk obot oro. San̄a ye enye nte afo okotde Genesis 12:8–13:4. Tịm fiọk mme nsio nsio ebiet efen oro enye ekesịmde: Dan, Damascus, Hobah, Mamre, Sodom, Gerar, Beer-sheba, ye Moriah (Jerusalem).—Ge 14:14-16; 18:1-16; 20:1-18; 21:25-34; 22:1-19.

Ndifiọk ndusụk ikpehe isọn̄ emi anam mme n̄kpọ oro ẹkedade itie ke uwem Isaac ye Jacob ẹn̄wan̄a nnyịn. Ke uwụtn̄kpọ, ke ini Abraham okodude ke Beer-sheba, enye ọkọdọn̄ eyenufọk esie okoyom n̄wan ke m̀mọ̀n̄ ada ọsọk Isaac? Ke nsannsan edem edere Mesopotamia (emi ọwọrọde, “Isọn̄ Emi Odude  ke Ufọt Akpa Iba”) emi akade Paddan-aram. Ndien kere ban̄a anyan isan̄ emi Rebekah akasan̄ade ke camel aka Negeb, emi ekemede ndidi odu ekpere Kadesh, man okosobo ye Isaac.—Ge 24:10, 62-64.

Ke ukperedem, Jacob (Israel) eyen mmọ ama asan̄a ukem anyan isan̄ oro man ọkọdọ owo emi okponode Jehovah. Jacob akasan̄a usụn̄ efen afiak ọnyọn̄ obio esie. Ke ama akasan̄a ebe ke mmọn̄ Jabbok oro odude ekpere Penuel, Jacob ama an̄wana ye angel. (Ge 31:21-25; 32:2, 22-30) Ke ikpehe oro ke Esau okosobo ye enye, ndien ekem mmọ ẹka ẹkedụn̄ ke nsio nsio ikpehe.—Ge 33:1, 15-20.

Ke ẹma ẹkedan̄ Dinah adiaha Jacob ke n̄kanubọk ke Shechem, Jacob ama ọwọrọ okodụn̄ ke Bethel. Nte afo emekeme ndida enyịn ikike n̄kụt nte ebiet oro nditọ Jacob ẹkekade ndibọk erọn̄ ete mmọ, emi Joseph okoyomde mmọ okokụt, okoyomde usụn̄? Ndise obio enye emi (ye eke page 18-19) ẹkeme ndin̄wam fi okụt nte Bethel oyomde usụn̄ ọkpọn̄ Dothan. (Ge 35:1-8; 37:12-17) Nditọete Joseph ẹkenyam enye ẹnọ mbonurua oro ẹkekade Egypt. Afo ekere ke ewe usụn̄ ke mbonurua oro ẹkesan̄a ke ini ẹkemende Joseph ẹka Egypt, emi akadade esịm nditọ Israel ndiwọrọ n̄ka Egypt ndien ekem ẹwọrọ idụn̄?—Ge 37:25-28.

[Ndise obio ke page 7]

(Ama oyom ndikụt nte enye enen̄erede etie, se n̄wed)

Isan̄ Abraham (se n̄wed)

Isan̄ Isaac (se n̄wed)

Isan̄ Jacob (se n̄wed)

Mme Ọkpọusụn̄ (se n̄wed)

Isọn̄ Mme Ete-ekpụk (ke ibio ibio)

A4 GOSHEN

A5 EGYPT

B4 SHUR

B5 PARAN

C3 Damascus

C3 Dan (Laish)

C4 Shechem

C4 Bethel

C4 Hebron (Kiriath-arba)

C4 Gerar

C4 Beer-sheba

C4 SEIR

C4 Kadesh

C5 EDOM

D1 Carchemish

D2 Tadmor

D3 Hobah

E1 PADDAN-ARAM

E1 Haran

F2 MESOPOTAMIA

G1 Nineveh

G2 FERTILE CRESCENT

G3 Babylon

H4 CHALDEA

H4 Ur

[Mme obot]

C4 Moriah

[Mme Akpammọn̄]

B3 Inyan̄ Mediterranean (Akwa Inyan̄)

[Mme akpa]

E2 Euphrates

G2 Tigris

Isọn̄ Mme Ete-ekpụk (ke Isọn̄ Un̄wọn̄ọ)

CANAAN

Megiddo

GILEAD

Dothan

Shechem

Succoth

Mahanaim

Penuel

Bethel (Luz)

Ai

Jerusalem (Salem)

Bethlehem (Ephrath)

Mamre

Hebron (Machpelah)

Gerar

Beer-sheba

Sodom?

NEGEB

Rehoboth?

Beer-lahai-roi

Kadesh

[Mme ọkpọusụn̄]

Via Maris

Ọkpọusụn̄ Edidem

[Mme obot]

Moriah

[Mme akpammọn̄]

Inyan̄ Inụn̄

[Mme akpa ye idịm mmọn̄]

Jabbok

Jordan

[Ndise ke page 6]

Akpa Euphrates ekperede Babylon

[Ndise ke page 6]

Abraham okodụn̄ ke Beer-sheba onyụn̄ ọbọk mme otu ufene ke n̄kann̄kụk oro

[Ndise ke page 6]

Itịghede mmọn̄ Jabbok