Jerusalem Ye Temple Oro Jesus Ọkọfiọkde

ESISỊT ini ke Jesus ama akamana, Joseph ye Mary ẹma ẹda enye ẹka obio emi Ete esie eke heaven ekenịmde enyịn̄ Esie—Jerusalem. (Lu 2:22-39) Ke ini ekedide isua 12, Jesus ama afiak aka do ndikodụk Passover. Idem ama akpa mme andikpep ke temple aban̄a ifiọk esie. (Lu 2:41-51) Utom okụre temple oro, emi ekedide ubak ndutịm ubọpn̄kpọ Akwa Herod, ama aka iso ke “isua aba ye itiokiet.”—Joh 2:20.

Ke ini utom ukwọrọikọ esie, Jesus ama esidụk mme usọrọ oro ẹkesinịmde ke Jerusalem, emi enye ekesiwakde ndikpep mme otuowo n̄kpọ. Enye ama ebịn mme okpụhọ okụk ye mme anyamurua osion̄o ke okụre temple oro utịm ikaba.—Mt 21:12; Joh 2:13-16.

Ke edem edere temple oro, ke N̄kpọdiọhọ Mmọn̄ Bethzatha, Jesus ama anam idem ọsọn̄ eren oro ọkọdọn̄ọde ke isua 38. Eyen Abasi ama anam nnan n̄ko okụt usụn̄, ọdọhọde enye ekeyet iso ke N̄kpọdiọhọ Mmọn̄ Siloam ke n̄kan̄ usụk usụk obio oro.—Joh 5:1-15; 9:1, 7, 11.

Jesus ama esika ekese mme ufan esie Lazarus, Mary, ye Martha ke Bethany, “adan̄a nte mile iba” ke edem usiahautịn Jerusalem. (Joh 11:1, 18; 12:1-11; Lu 10:38-42; 19:29; se “Ikpehe Jerusalem,” page 18) Usen ifan̄ mbemiso n̄kpa esie, Jesus ama asan̄a Obot Olive ebe aka Jerusalem. Kere nte enye atuakde ada ese edem usoputịn obio oro onyụn̄ atuade aban̄a enye. (Lu 19:37-44) Eyedi se enye okokụtde edi ukem ye se afo okụtde ke enyọn̄ enyọn̄ page oro etienede. Ekem enye ama awat ke eyen ass odụk Jerusalem, eyedi asan̄ade kiet ke otu inuaotop n̄kan̄ edem usiahautịn obio oro. Akwa otuowo ẹma ẹdara enye nte Edidem Israel ini iso.—Mt 21:9-12.

Mme akpan n̄kpọ oro ẹketịbede mbemiso n̄kpa Jesus ẹkeda itie ke esịt m̀mê ke mbọhọ Jerusalem: in̄wan̄ Gethsemane, emi Jesus ọkọbọn̄de akam; ufọkesop Sanhedrin; ufọk Caiaphas; akwa ufọk Pilate andikara ndien, ke akpatre, Golgotha.—Mr 14:32, 53–15:1, 16, 22; Joh 18:1, 13, 24, 28.

Ke ama ekeset ke n̄kpa, Jesus ama owụt mme owo ke esịt ye n̄kann̄kụk Jerusalem idem. (Lu 24:1-49) Ekem enye ama oto Obot Olive ọdọk heaven.—Ut 1:6-12.

 [Ndise ke page 31]

(Ama oyom ndikụt nte enye enen̄erede etie, se n̄wed)

Jerusalem/Temple Herod

Mme Ikpehe Temple

1. Ata Edisana

2. Edisana

3. Itie Edifọp Uwa

4. N̄kpọdiọhọ Mmọn̄ Okpoho

5. Okụre Mme Oku

6. Okụre Israel

7. Okụre Iban

8. Okụre Mme Gentile

9. Ọkọ (Soreg)

10. Etehe Edidem

11. Etehe Solomon

TEMPLE

Inuaotop

 

Okụre Mme Oku

Inuaotop

Ata Itie

Edisana Edisana Edifọp Okụre Okụre

Uwa Israel Iban

N̄kpọdiọhọ

Mmọn̄ Okpoho

 

Inuaotop Etehe

Ọkọ (Soreg) Solomon

 

Okụre Mme Gentile

 

Inuaotop

Etehe Edidem

 

Mme Inuaotop

Tọwa Antonia

Ebọp

Ufọkesop Sanhedrin?

ITỊGHEDE TYROPOEON

N̄kpọdiọhọ Mmọn̄ Siloam

Afua

Ufọk Caiaphas?

Akwa Ufọk Andikara

Golgotha?

Golgotha?

N̄kpọdiọhọ Mmọn̄ Bethzatha

In̄wan̄ Gethsemane?

OBOT OLIVE

EBEDE N̄KIDRON

Udiọn̄ Mmọn̄ Gihon

En-rogel

ITỊGHEDE EYEN HINNOM (GEHENNA)

[Ndise ke page 30]

Ndise edem usiahautịn Jerusalem eyomfịn: (A) ikpehe temple, (B) in̄wan̄ Gethsemane, (C) Obot Olive, (D) wilderness Judah, (E) Inyan̄ Inụn̄

[Ndise ke page 31]

Ndida ke Obot Olive nse edem usoputịn Jerusalem ke eyo Jesus