Ẹma ẹdọn̄ angel Gabriel ebịne ediye n̄kaiferi an̄wan ekerede Mary. Enye ama asian enye ete enye eyenyene eyen emi edikarade nte edidem ke nsinsi. Eyen oro, Jesus, akamana ke usịnudia ufene, ebiet mme ekpemerọn̄ ẹkekade ẹkese enye. Ekem, ntantaọfiọn̄ ama ada mme owo usụn̄ oto edem Usiaha utịn etiene nsekeyen oro. Nnyịn iyekpep mme anie akanam mmọ ẹkụt ntantaọfiọn̄ oro, ye nte ẹkenyan̄ade Jesus ẹsio ke mme ukeme ndiwot enye.

Ọyọhọ iba, nnyịn ikụt Jesus ke osịmde isua 12 ke emana, etịn̄de ikọ ye mme andikpep ke temple. Isua efuteta ke ukperedem, ema enịm Jesus baptism, ndien enye ama ọtọn̄ọ utom edikwọrọ Obio ubọn̄ ye edinọ ukpep oro Abasi ọkọdọn̄de enye edi isọn̄ ndinam. Man ẹn̄wam enye ke utom emi, Jesus ama emek irenowo 12 onyụn̄ anam mmọ mme apostle esie.

Jesus n̄ko ama anam ediwak utịbe n̄kpọ. Enye ama ọbọk ediwak tọsịn owo ye esisịt iyak ye mme eboho uyo oro miwakke. Enye ama ọkọk mbon udọn̄ọ onyụn̄ anam idem mme akpa n̄kpa eset. Ke akpatre, nnyịn ikpep iban̄a ediwak n̄kpọ ẹketịbede ẹnọ Jesus ke akpatre usen uwem esie, ye nte ẹkewotde enye. Jesus ọkọkwọrọ ikọ ke n̄kpọ nte isua ita ye ubak, ntre IKPEHE 6 okụre ini awakde esisịt akan mme isua 34.