UKPEPN̄KPỌ 22
Nte Akpanamde Mme Owo Ẹkop Eti Mbụk
Nte osụk ekpepde akpanikọ ke Bible, emekeme ndikere, ‘Akpana kpukpru owo ẹdiọn̄ọ n̄kpọ emi!’ Emenen, ọfọn kpukpru owo ẹdiọn̄ọ akpanikọ! Edi idem ekeme ndinyek fi ndinam mme owo ẹdiọn̄ọ akpanikọ. Yak ise se idinamde idem okûnyek fi ndiwụt mme owo eti mbụk ke Bible.
1. Nso ke akpanam man mbon en̄wen ẹdiọn̄ọ se afo ekpepde?
Mbet Jesus ẹkedọhọ ẹte: “Nnyịn ikemeke nditre nditịn̄ mban̄a mme n̄kpọ emi nnyịn ikokụtde inyụn̄ ikopde.” (Utom 4:20) Mmọ ẹma ẹma se Jesus ekekpepde tutu mmọ ẹyom kpukpru owo ẹdiọn̄ọ. Ndi esitie fi nte kpukpru owo ẹkpediọn̄ọ se afo ekpepde ke Bible? Ekpedi ntre, da ufan̄ ekededi nam mbon mbufo ye mme ufan fo ẹdiọn̄ọ se afo ekpepde.—Kot Colossae 4:6.
Se nte ekemede nditọn̄ọ mi
-
Okpoyom nditop ekpri ikọ Abasi nsịn ke nneme fo ye mbon mbufo, dọhọ ete: “N̄kpọ kiet n̄kpepde urua emi enem mi tutu.”
-
Kot itie Bible emi esidọn̄de owo esịt ye ufan fo emi ofụhọde m̀mê emi ọdọn̄ọde.
-
Owo itieutom mbufo okpobụp fi m̀mê n̄kpọ etie didie, da ufan̄ oro tịn̄ se ekekpepde ke Bible m̀mê ke mbono esop.
-
Wụt mme ufan fo jw.org.
-
Kot mbon en̄wen ẹtiene ẹditie ke ini ekpepde Bible, mîdịghe n̄wam mmọ ẹka jw.org ẹkedọhọ ke ikpama ndikpep Bible.
2. Ntak emi ọfọnde esitiene ikọt Jehovah ọkwọrọ ikọ?
Mme mbet Jesus ikesitịn̄ke nti n̄kpọ emi Abasi aduakde ndinam inọ mbon mmọ kpọt. Jesus ama “osio mmọ ọdọn̄ ẹsan̄a iba iba ẹbem enye iso ẹka ẹkedụk kpukpru obio” ẹkwọrọ ikọ. (Luke 10:1) Oro ama anam ediwak owo ẹkop eti mbụk. Ama esinem mbet Jesus tutu ndisisan̄a kiet ntre n̄kwọrọ ikọ. (Luke 10:17) Ndi akpama nditiene ikọt Jehovah n̄kwọrọ ikọ?
SỊN IDEM KPEP
Se se ikemede ndin̄wam fi enyene uko ọkwọrọ ikọ onyụn̄ okop idatesịt nte mbon emi ẹsinamde mme owo ẹdiọn̄ọ nti n̄kpọ oro Abasi edinamde.
3. Jehovah ayan̄wam fi
Ndusụk owo ẹsiyom ndikwọrọ ikọ, edi idem esinyek mmọ m̀mê iditọtọn̄ọ didie m̀mê nso ke mme owo ẹdinam.
-
Ndi idem esinyek fi nditịn̄ se afo ekpepde ke Bible nnọ mbon en̄wen? Nso isinam?
Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
-
Nso ikanam ndịk okûsunam aba mbon emi ikokụtde ke vidio oro?
Kot Isaiah 41:10, ekem ẹbọrọ mbụme emi ẹnyụn̄ ẹneme ẹban̄a enye:
-
Ntak emi ọfọnde ọbọn̄ akam ndịk akpanam fi ndikwọrọ ikọ?
Ndi ọmọdiọn̄ọ?
Ediwak Mme Ntiense Jehovah ẹma ẹsikere ke mmimọ idikemeke ndisitiene n̄kwọrọ ikọ. Ke uwụtn̄kpọ, Sergey ama esikere ke ufọn imọ idụhe, ndien oro ama esinam ọsọn̄ enye ndineme nneme ye mme owo. Edi ekem ẹma ẹtọn̄ọ ndikpep enye Bible. Enye ọdọhọ ete: “Kpa ye oro ndịk ekesinamde mi, mma ntọn̄ọ nditịn̄ se nsikpepde nnọ mme owo. Ama akpa mi idem ndikụt ke nditịn̄ se nsikpepde ke Bible nnọ mme owo ama anam mi ntọn̄ọ ndinyene uko. Onyụn̄ anam se n̄kpepde ke Bible enen̄ede odụk mi esịt.”
4. Kpono mme owo
Ke ini oyomde ndikwọrọ eti mbụk, kûkere uban̄a se editịn̄de kpọt, kere n̄ko ban̄a nte editịn̄de. Kot 2 Timothy 2:24 ye 1 Peter 3:15, ekem ẹbọrọ mbụme emi ẹnyụn̄ ẹneme ẹban̄a mmọ:
-
Didie ke akpanam se ẹtịn̄de emi ama eneme Ikọ Abasi ye owo?
-
Edieke ndusụk owo ke ubon mbufo m̀mê mme ufan fo mîmaha se afo ekpepde ke Bible, nso ke akpanam? Nso ke mûkpanamke?
-
Ntak emi ọfọnde isibụp mbụme emi edin̄wamde owo, utu ke ndibebiere nọ mmọ se mmọ ẹkpenịmde?
5. Ndikwọrọ eti mbụk esinam owo okop inemesịt
Jehovah ama ọdọhọ Jesus ọkwọrọ eti mbụk. Jesus akada utom oro didie? Kot John 4:34, ekem ẹbọrọ mbụme emi ẹnyụn̄ ẹneme ẹban̄a mmọ:
-
Eti udia esinam esịt enem owo onyụn̄ anam idem ọsọn̄ owo. Nso ikanam Jesus ada ndinam uduak Abasi—esịnede ndikwọrọ eti mbụk—odomo ye udia?
-
Ekere ke nso ye nso isinam esịt enem owo, owo ama ọkwọrọ ikọ?
Se idin̄wamde fi
-
Ama odụk mbono esop ufọturua, se nte ekemede nditọn̄ọ nneme.
-
Bụp owo oro esinemede Ikọ Abasi ye afo ke n̄wed emi se idinamde ẹtiene ẹnọ fi n̄kpọ anam ke mbono esop ufọturua. Ẹma ẹnọ fi n̄kpọ anam, oro ayan̄wam fi anam mme owo ẹdiọn̄ọ se ekpepde.
-
Da se idude ke “Ndusụk Owo Ẹsidọhọ Ẹte” ye “Ndusụk Owo Ẹkeme Ndibụp” kpep nte ọkpọbọrọde ndusụk se mme owo ẹsitịn̄de.
NDUSỤK OWO ẸKEME NDIBỤP: “N̄kpọ etetie didie? Ebịghi-o!”
-
Tịn̄ ise nte ekemede ndida ufan̄ oro ntịn̄ se ekpepde ke Bible nnọ owo emi obụpde fi utọ n̄kpọ oro.
SE IKPEPDE
Ukwọrọikọ esinam owo okop inemesịt, inyụn̄ isọn̄ke ndinam mme owo ẹkop eti mbụk nte ndusụk owo ẹkerede.
Se M̀mê Emeti
-
Ntak emi ọfọnde anam mme owo ẹdiọn̄ọ nti n̄kpọ emi Abasi aduakde ndinam?
-
Nso idinam fi anam oro ukpono ukpono?
-
Nso ke akpanam man ndịk idikpan fi ndikwọrọ ikọ?
KPEP N̄KPỌ EN̄WEN
Se usụn̄ inan̄ emi afo ekemede ndida kad jw.org ntọn̄ọ ukwọrọikọ.
Se n̄kpọ inan̄ oro ekemede ndin̄wam fi ọkwọrọ ikọ.
“Ndi Emeben̄e Idem Ndidi Ọkọ Owo?” (Enyọn̄-Ukpeme, September 2020)
Se nte uwụtn̄kpọ owo kiet ke Bible ekemede ndin̄wam nnyịn inyene uko ikwọrọ ikọ, ọkpọkọm idi eyenọwọn̄.
Se nte afo ekemede ndineme Ikọ Abasi ye mbon mbufo emi mîdịghe Ntiense Jehovah.
“Nte Akpan̄wamde Iman Fo Ẹkpep Akpanikọ” (Enyọn̄-Ukpeme, March 15, 2014)
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
