UKPEPN̄KPỌ 25
Abasi Oyom N̄kpọ Etie Didie ye Nnyịn?
Bible etịn̄ n̄kpọ kiet emi ediwak nnyịn idiọn̄ọde; Bible ọdọhọ ke uwem nnyịn omụhọ onyụn̄ ọyọhọ ye ukụt. (Job 14:1) Ndi nte Abasi oyomde uwem nnyịn etie edi oro? Edieke enye mîyomke etie ntre, enye oyom etie didie? Ndi emekere ke ini eyedi emi n̄kpọ editiede ye nnyịn nte Abasi oyomde? Se nte Bible ọbọrọde mbụme oro yak enen̄ede enem.
1. Jehovah Abasi oyom n̄kpọ etie didie ye nnyịn?
Jehovah oyom nnyịn ikop ata inemesịt, ikûnyụn̄ unyene mfịna ndomokiet. Enye okobot akpa ete ye eka nnyịn, Adam ye Eve, esịn ke Paradise ke In̄wan̄ Eden. “Abasi [ama] ọdiọn̄ mmọ, Abasi [ama] onyụn̄ ọdọhọ mmọ ete: ‘Mbufo ẹtọt ẹnyụn̄ ẹwak ẹnyụn̄ ẹyọhọ ke isọn̄ ẹnyụn̄ ẹkan enye.’” (Genesis 1:28) Enye okoyom mmọ ẹnyene nditọ, ẹnam ofụri isọn edi Paradise, ẹnyụn̄ ẹse ẹban̄a mme unam. Jehovah ikoyomke mme owo ẹdọn̄ọ; enye okoyom mme owo ẹdu uwem ke nsinsi.
Imọdiọn̄ọ ke n̄kpọ itiehe aba nte Abasi okoyomde, a edi Abasi ifreke se enye akaduakde. (Isaiah 46:10, 11) Enye ayanam mbon oro ẹkopde item esie ẹnyụn̄ ẹnamde se enye ọdọhọde ẹdu uwem ke ini n̄kpọ edifọnde ima.—Kot Ediyarade 21:3, 4.
2. Nso idinam uwem nnyịn enyene ufọn idahaemi?
Jehovah Abasi okobot nnyịn ke usụn̄ emi edinamde ọdọdọn̄ nnyịn ndinam n̄kpọ esie nnyụn̄ n̄kpono enye. (Kot Matthew 5:3-6.) Abasi oyom nnyịn ikpere imọ, “isan̄a ke usụn̄ esie, inyụn̄ inam n̄kpọ esie ke ofụri esịt.” (Deuteronomy 10:12; Psalm 25:14) Ikpanam se Abasi oyomde emi, iyokop ata inemesịt inamke n̄kpọ m̀mê nso utọ mfịna isịm nnyịn. Esịt esinem nnyịn ima inam n̄kpọ Jehovah, sia imọdiọn̄ọ ke nnennen n̄kpọ ke inam oro.
SỊN IDEM KPEP
Se n̄kpọ emi owụtde ke Abasi okobot isọn̄ emi ọnọ nnyịn ke ntak emi enye amade nnyịn. Oyokụt n̄ko se Ikọ esie etịn̄de aban̄a nte enye oyomde n̄kpọ etie ye nnyịn.
3. Jehovah oyom uwem enen̄ede enem nnyịn
Se VIDIO emi, ekem ẹbọrọ mbụme emi ẹnyụn̄ ẹneme ẹban̄a enye.
-
Nso ikanam Jehovah Abasi obot isọn̄ emi ye ndiye n̄kpọ emi ọyọhọde enye?
Kot Ecclesiastes 3:11, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ke itie Bible emi anam fi ọdiọn̄ọ aban̄a Jehovah?
4. Jehovah osụk oyoyom n̄kpọ etie ye nnyịn nte enye okoyomde
Kot Psalm 37:11, 29 ye Isaiah 55:11, ekem ẹbọrọ mbụme emi ẹnyụn̄ ẹneme ẹban̄a enye:
-
Nso iwụt ke Jehovah osụk oyoyom n̄kpọ etie ye nnyịn nte enye okoyomde?
Ekeme ndifiak ndiọn̄ ufọk emi abiarade. Ukem ntre, Abasi ayafiak ọdiọn̄ isọn̄ emi mme owo ẹbiatde mi ọnọ mbon oro ẹmade enye
5. Ndinam n̄kpọ Jehovah esinam uwem nnyịn enyene ufọn
Esịt esinem nnyịn etieti ima idiọn̄ọ ufọn uwem. Se VIDIO emi, ekem ẹbọrọ mbụme emi ẹnyụn̄ ẹneme ẹban̄a enye.
-
Nso ke ndidiọn̄ọ ufọn uwem akanam ọnọ Terumi?
Kot Ecclesiastes 12:13, ekem ẹbọrọ mbụme emi ẹnyụn̄ ẹneme ẹban̄a enye:
-
Nso ke ikpanam man iwụt ke imama ofụri se Jehovah anamde ọnọ nnyịn?
NDUSỤK OWO ẸKEME NDIBỤP: “Nso idedi ufọn uwem emi?”
-
Nso ke ọkpọbọrọ utọ owo oro?
SE IKPEPDE
Jehovah oyom nnyịn idu uwem ke nsinsi ke isọn̄ emi n̄kpọ ọfọnde ama. Ikpanam n̄kpọ Jehovah ke ofụri esịt, iyokụt ufọn uwem emi—idem idahaemi.
Se M̀mê Emeti
-
Jehovah okoyom uwem Adam ye Eve etie didie? Nso ke enye okonyụn̄ oyom mmọ ẹnam?
-
Nso iwụt ke Jehovah osụk oyoyom n̄kpọ etie ye mme owo nte enye okoyomde?
-
Nso idinam nnyịn inen̄ede ikụt ufọn uwem emi?
KPEP N̄KPỌ EN̄WEN
Se se iwụtde ke In̄wan̄ Eden ama odu.
“Ndi Mbụk In̄wan̄ Eden Edi N̄ke?” (Enyọn̄-Ukpeme, January 1, 2011)
Se se inamde inen̄ede idiọn̄ọ ke isọn̄ emi edidu ke nsinsi.
Se n̄kpọ emi Bible ọdọhọde ke esinam uwem owo enyene ufọn.
Se nte owo emi ekekerede ke imenyene kpukpru n̄kpọ ekedide edikụt n̄kpọ kiet emi enye mîkenyeneke.
a Ke Ukpepn̄kpọ 26, oyokụt se ikanamde n̄kpọ okûtie aba nte Abasi okoyomde.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
