UKPEPN̄KPỌ 18
Nam Owo Ekpep Obufa N̄kpọ
1 Corinth 9:19-23
SE AKPANAMDE: Nam mme owo ẹnen̄ede ẹkere ẹban̄a se afo etịn̄de ẹnyụn̄ ẹkpep obufa n̄kpọ.
NTE AKPANAMDE:
-
Kere ban̄a se mme owo ẹma ẹkefọfiọk. Utu ke nditịn̄ se mme owo ẹma ẹkekokop, tịn̄ n̄kpọ emi edinamde mmọ ẹkpep obufa n̄kpọ.
-
Yom se afo edidade itịm utịn̄ikọ fo. Edieke ekemede, yom uwụtn̄kpọ emi akanam mmọ mîkopke nọ, mîdịghe da n̄kpọ emi mmọ mîkekereke-kere kpep mmọ n̄kpọ. Edi kụt ete ke se afo etịn̄de isan̄ake isio ye se afo oyomde ndikpep mmọ.
-
Nam mme owo ẹkụt ke se afo etịn̄de ebehe mmọ. Wụt mme owo nte ikọ Abasi emi afo ọkwọrọde ekemede ndin̄wam mmọ ke usen ke usen. Da se isitịbede ke edem mbufo, nte mme owo ẹdude uwem, ye se mmọ ẹsinamde kpep mmọ n̄kpọ.
