Fiak kot mme ọkpọ ikọ. Ke ama okokot itie N̄wed Abasi ama, fiak kot mme ọkpọ ikọ emi akanamde fi okot itien̄wed oro. Emekeme n̄ko ndibụp otuowo mbụme emi edinamde mmọ ẹkụt mme ọkpọ ikọ oro.

Nam akpan n̄kpọ ọwọrọ ada. Edieke edide ama etịn̄ ntak emi oyomde ndikot itie N̄wed Abasi mbemiso okotde, ama okot ama, wụt otuowo nte mme ọkpọ ikọ ke itien̄wed oro ekemde ye se afo eketịn̄de.

Tịn̄ se ikanamde okot itien̄wed oro. Kûtịn̄ kpukpru se idude ke itien̄wed oro okotde, emi mînyeneke n̄kpọ ndinam ye utịn̄ikọ fo; tịn̄ n̄kukụre se ikanamde okot itien̄wed oro. Kere ban̄a se otuowo ẹma ẹkedọdiọn̄ọ, nyụn̄ da oro biere se afo editịn̄de ye se mûdutịn̄ke man kpukpru owo ẹda n̄kpọ ẹnyọn̄.