NAM MME OWO ẸDI MBET JESUS
UKPEPN̄KPỌ 11
Kpep N̄kpọ ke Usụn̄ Emi Ọsọpde An̄wan̄a Owo
Se Bible Etịn̄de: “Ẹtịn̄ ikọ eke ememde owo ndifiọk.”—1 Cor. 14:9.
Se Jesus Akanamde
1. Se VIDIO emi, mîdịghe kot Matthew 6:25-27. Ekem bọrọ mme mbụme emi:
Nso ke Ikpep Ito Jesus?
2. Ima ikpep n̄kpọ ke usụn̄ emi ọsọpde an̄wan̄a owo, mme owo ẹyeti se ikekpepde mmọ, se ikpepde oyonyụn̄ odụk mmọ esịt.
Kpebe Jesus
3. Kûtịn̄ ikọ awawak akaha. Utu ke nditịn̄ kpukpru se ọdiọn̄ọde aban̄a ibuotikọ oro, nen̄ede tịn̄ ban̄a mme n̄kpọ emi ẹyomde ke n̄wed ukpepn̄kpọ oro. Ama obụp mbụme ama, nyene ime bet owo ekpepde Bible ọbọrọ. Edieke enye mîdiọn̄ọke ibọrọ mîdịghe etịn̄ se Bible mîkpepke, bụp enye mme mbụme en̄wen man an̄wam enye ekere n̄kpọ. Edieke se ekpepde an̄wan̄ade owo emi ekpepde Bible, be ka n̄kpọ en̄wen.
4. Da se owo emi ekpepde Bible ama ọkọdọdiọn̄ọ nam obufa n̄kpọ emi ekpepde an̄wan̄a enye. Ke uwụtn̄kpọ, mbemiso ẹtọn̄ọde ndineme mban̄a ediset ke n̄kpa, emekeme ndida ekpri ini nneme se owo emi ekpepde Bible ọdiọn̄ọde aban̄a mme akpan̄kpa.
5. Sasat uwụtn̄kpọ emi ọnọde. Mbemiso ọnọde uwụtn̄kpọ ekededi, bụp idemfo ete: