Akpa mbụk emi odude ke Bible aban̄a nte Jehovah okobotde kpukpru ndiye n̄kpọ emi ẹdude ke enyọn̄ ye isọn̄. Edieke enyenede eyen, nam enye okụt ke Abasi okobot n̄kpọ ke utọ ke utọ, onyụn̄ ọdiọn̄ọ ke owo okpụhọde ye unam. Ke uwụtn̄kpọ, owo ekeme nditịn̄ ikọ, ndikere n̄kpọ, ndibot n̄kpọ, ndikwọ ikwọ, nnyụn̄ mbọn̄ akam, edi unam ikemeke. Nam eyen fo okụt ke Jehovah enyene odudu ye ọniọn̄, onyụn̄ enen̄ede ama mme owo ye kpukpru se enye okobotde.