Se Ẹdinemede ke Ikpehe 6
Ke Isọn̄ Un̄wọn̄ọ, tent utuakibuot ekedi akpan ebiet emi nditọ Israel ẹkesikade ẹketuak ibuot ẹnọ Jehovah. Mme oku ẹkesikpep mmọ Ibet, mme ebiereikpe ẹnyụn̄ ẹda mmọ usụn̄. Oyokụt ke ikpehe emi ke se ibierede ndinam ye se inamde ẹkeme ndifọn ye mbon en̄wen mîdịghe ẹsịn mmọ ke mfịna. Akana eyen Israel kiet kiet ọsọn̄ọ ada anam akpanikọ ọnọ Jehovah ye mbon en̄wen n̄ko. Tịn̄ nte eti uwụtn̄kpọ Deborah, Naomi, Joshua, Hannah, adiaha Jephthah, ye Samuel akan̄wamde mbon en̄wen ke obio mmọ. Nam ẹkụt n̄ko ke utọ mme owo nte Rahab, Ruth, Jael, ye nditọ Gibeon emi mîkedịghe nditọ Israel ẹma ẹbiere ndidiana ye Israel sia mmọ ẹma ẹkụt ke Abasi odu ye mmọ.
KE IKPEHE EMI
UKPEPN̄KPỌ 30
Rahab Ama Edịp Mbon Uyep
Ibibene Jericho ama ọduọ. Edi n̄kpọ ikanamke ufọk Rahab, kpa ye emi ufọk esie akadianade ke ibibene Jericho.
UKPEPN̄KPỌ 31
Joshua ye Mbon Gibeon
Joshua ama eben̄e Abasi ete anam utịn atuak ada. Ndi Abasi ama anam se enye ekeben̄ede?
UKPEPN̄KPỌ 32
Obufa Adausụn̄ ye Iban Iba Emi Ẹnyenede Uko
Nditọ Israel ẹma ẹtọn̄ọ ndikpono nsunsu abasi ke Joshua ama akakpa. Mmọ ẹma ẹbọ ufen, edi Jehovah ama ada Barak, Deborah prọfet an̄wan, ye Jael an̄wam mmọ!
UKPEPN̄KPỌ 33
Ruth ye Naomi
Ebeakpa iba ẹfiak ẹnyọn̄ Israel. Owo mmọ kiet emi ekekerede Ruth ama akanam utom ke in̄wan̄, ndien do ke Boaz okokụt enye.
UKPEPN̄KPỌ 34
Gideon Ama Akan Mbon Midian
Nditọ Israel ẹma ẹkpe Jehovah ubọk ẹte an̄wam mmimọ sia mbon Midian ẹma ẹfiomo mmọ. Ekpri udịmekọn̄ Gideon ẹkesan̄a didie ẹkan mbonekọn̄ 135,000?
UKPEPN̄KPỌ 35
Hannah Eben̄e Abasi Eyen Erenowo
Elkanah emen Hannah, Peninnah, ye nditọ esie aka Shiloh man ẹketuak ibuot ẹnọ Jehovah. Do ke Hannah eben̄e Abasi eyen erenowo. Ekem enye aman Samuel!
UKPEPN̄KPỌ 36
Se Jephthah Ọkọn̄wọn̄ọde Ọnọ Jehovah
Nso ke Jephthah ọkọn̄wọn̄ọ? Nso ikanam enye ọn̄wọn̄ọ? Nso ke adiaha Jephthah akanam ke ini enye okopde se ete esie ọkọn̄wọn̄ọde?
UKPEPN̄KPỌ 37
Jehovah Etịn̄ Ikọ ye Samuel
Nditọ Eli emi ekedide Akwa Oku ẹkedi mme oku ke tent utuakibuot; mmọ ikenịmke ibet Abasi. Ekpri Samuel ikebietke mmọ. Jehovah ama etịn̄ ikọ ye enye.
UKPEPN̄KPỌ 38
Jehovah Ọnọ Samson Odudu
Abasi ama ọnọ Samson odudu an̄wana ye mbon Philistia, edi mbon Philistia ẹma ẹmụm enye ke ini enye akanamde se enye mîkpakanamke.