Se Ẹdinemede ke Ikpehe 8
Jehovah ama anam Solomon ọdiọn̄ọ n̄kpọ ata etieti onyụn̄ ayak enye ọbọp temple. Edi ekem Solomon ama ọtọn̄ọ ndikpọn̄ Jehovah sụn̄sụn̄. Edieke enyenede eyen, nam enye okụt nte mbon emi mîkokponoke ata Abasi ẹkenamde Solomon ọkpọn̄ Jehovah. Ẹma ẹbahade obio ubọn̄ Israel ke itie iba, ndien ndiọi ndidem mmọ ẹma ẹnam mme owo ẹkpọn̄ Jehovah. Ẹma ẹkọbọ nti prọfet Jehovah ẹnyụn̄ ẹwot ndusụk. Jezebel emi ekedide ọbọn̄ an̄wan ke obio ubọn̄ esien duop ke Israel ama anam mme owo do ẹtetịm ẹkpono nsunsu abasi. Ikememke utom ndikpono Jehovah ke Israel ini oro. Edi ediwak owo ẹma ẹsọn̄ọ ẹda ẹnam n̄kpọ Jehovah. Edidem Jehoshaphat ye prọfet Elijah ẹkesịne ke otu emi.
KE IKPEHE EMI
UKPEPN̄KPỌ 44
Ẹbọp Temple Ẹnọ Jehovah
Abasi ama anam se Edidem Solomon ekeben̄ede enye, onyụn̄ ọnọ enye ata akpan utom anam.
UKPEPN̄KPỌ 49
Ẹwot Idiọk Ọbọn̄ An̄wan
Jezebel anam ẹwot Naboth man emen in̄wan̄ esie! Edi Jehovah okụt ibak Jezebel.
UKPEPN̄KPỌ 50
Jehovah An̄wana Ọnọ Jehoshaphat
Jehoshaphat emi ekedide eti edidem ọbọn̄ akam ọnọ Abasi ke ini mme asua ẹdide en̄wan ye Judah.