Ndisọn̄ọ Owo Idem
Ntak ọfọnde ikọt Abasi ẹsisọn̄ọ kiet eken idem?
Isa 35:3, 4; Col 3:16; 1Th 5:11; Heb 3:13
-
Itie Bible oro edin̄wamde fi:
-
2Ch 32:2-8—Edidem Hezekiah ama ọsọn̄ọ ikọt Abasi idem ini mbon Assyria ẹkedide ndin̄wana ye mmọ
-
Da 10:2, 8-11, 18, 19—Idem ama emem Daniel emi ekedide akanieren, ndien angel Jehovah ama ọkọsọn̄ọ enye idem
-
Ntak emi Jehovah oyomde mbiowo ẹsisọn̄ọ nditọete idem?
Se n̄ko Mt 11:28-30
-
Itie Bible oro edin̄wamde fi:
-
De 3:28; 31:7, 8—Prọfet Moses ama ọsọn̄ọ Joshua emi okoyomde ndida itie esie idem nte Jehovah ọkọdọhọde
-
Ut 11:22-26; 14:22—Paul ye Barnabas ẹma ẹsọn̄ọ nditọete ke Antioch idem ini ẹkekọbọde mmọ
-
Ntak emi nditoro owo ke ofụri esịt ini isọn̄ọde enye idem ọfọnde?
-
Itie Bible oro edin̄wamde fi:
-
Jg 11:37-40—Nditọiban Israel ẹma ẹsika ẹketoro adiaha Jephthah ke isua ke isua ke ntak emi enye akadade ofụri uwem esie anam n̄kpọ Abasi
-
Edi 2:1-4—Jesus ama otoro mme Christian ke Ephesus mbemiso asuade ọnọ mmọ ke se mmọ mîkanamke ọfọn
-
Didie ke ikpesisọn̄ọ kiet eken idem?
N̄ke 15:23; Eph 4:29; Php 1:13, 14; Col 4:6; 1Th 5:14
-
Itie Bible oro edin̄wamde fi:
-
1Sa 23:16-18—Jonathan ama ọdiọn̄ọ ke idem emem David ufan imọ, ntre enye ama okoyom David onyụn̄ ọsọn̄ọ enye idem
-
Joh 16:33—Jesus ama ọsọn̄ọ mme mbet esie idem ini enye ọkọdọhọde ke imọ imakan ererimbot ke mmọ n̄ko ẹyenyụn̄ ẹkan edieke ẹkpebede imọ
-
Ut 28:14-16—Nditọete ndikọwọrọ ndisobo ye apostle Paul ke usụn̄ uka Rome ama enen̄ede ọsọn̄ọ enye idem
-
Ntak ọfọnde isikpono kiet eken ikûnyụn̄ isụk owo uyo?
-
Itie Bible oro edin̄wamde fi:
-
Nu 11:10-15—Idem ama enen̄ede emem Moses ini nditọ Israel ẹkesụkde enye uyo ẹnyụn̄ ẹsọn̄de ibuot ye Jehovah
-
Nu 13:31, 32; 14:2-6—Idiọk etop oro mbon uyep duop ẹkedade ke isọn̄ Canaan ẹdi sia mmọ mîkọbuọtke idem ye Jehovah ama anam idem emem nditọ Israel ọnyụn̄ anam mmọ ẹtọn̄ọ nsọn̄ibuot
-
Ntak emi ndidu ye nditọete nnyịn esisọn̄ọde nnyịn idem?
N̄ke 27:17; Ro 1:11, 12; Heb 10:24, 25; 12:12
-
Itie Bible oro edin̄wamde fi:
-
2Ch 20:1-19—Ke ini akwa udịmekọn̄ ekedide ndin̄wana ekọn̄ ye Judah, Edidem Jehoshaphat ama ọbọn̄ akam ye ofụri nditọ Israel
-
Ut 12:1-5, 12-17—Ke ẹma ẹkewot apostle James ẹnyụn̄ ẹsịn apostle Peter ke ufọk-n̄kpọkọbi, nditọete ke Jerusalem ẹma ẹsop idem ọtọkiet ẹbọn̄ akam
-
Didie ke ndisikere mban̄a idotenyịn oro inyenede esisọn̄ọ nnyịn idem ke ini ukụt?
Ut 5:40, 41; Ro 8:35-39; 1Co 4:11-13; 2Co 4:16-18; 1Pe 1:6, 7
-
Itie Bible oro edin̄wamde fi:
-
Ge 39:19-23; 40:1-8—Kpa ye oro ẹkesịnde Joseph ke ufọk-n̄kpọkọbi ke n̄kpọ emi enye mîkanamke, enye ama ọbuọt idem ye Abasi onyụn̄ aka iso an̄wam mbon en̄wen
-
2Nd 6:15-17—Ndịk ikanamke prọfet Elisha ini akwa udịmekọn̄ ẹkedikande enye ẹkụk. Enye ama ọbọn̄ akam ọdọhọ Jehovah an̄wam asan̄autom imọ okûfehe ndịk n̄ko
-
Ikọ Abasi esisọn̄ọ nnyịn idem
Didie ke Jehovah ọn̄wọn̄ọ ke iyan̄wam nnyịn?
Didie ke ndikere nte Jehovah esimede ime onyụn̄ atuade owo mbọm esisọn̄ọ nnyịn idem?
Nso ke Jehovah esinam ọnọ mbon emi idem ememde?
Ps 46:1; Isa 12:2; 40:29-31; Php 4:13
-
Itie Bible oro edin̄wamde fi:
-
1Sa 1:10, 11, 17, 18—Jehovah ama okop akam Hannah ini enyịn akanande enye uwem okonyụn̄ odororode enye
-
1Nd 19:1-19—Ini idem ekememde prọfet Elijah, Jehovah ama anam n̄kpọ emi akan̄wamde prọfet oro. Jehovah ama ọsọn̄ọ enye idem, ọdọn̄ enye esịt; emi ama anam Elijah enyene idotenyịn ke n̄kpọ ọyọfọn
-
Didie ke se Abasi ọn̄wọn̄ọde ndinam ke ini iso ekeme ndisọn̄ọ nnyịn idem?
2Ch 15:7; Ps 27:13, 14; Heb 6:17-19; 12:2
-
Itie Bible oro edin̄wamde fi:
-
Job 14:1, 2, 7-9, 13-15—Idotenyịn emi Abasi ọnọde ke iyanam mme akpan̄kpa ẹset ọkọsọn̄ọ Job idem ini enyịn akanande enye
-
Da 12:13—Angel Jehovah ama ọsọn̄ọ prọfet Daniel emi ekedide n̄kpọ nte isua 100 idem onyụn̄ etịn̄ aban̄a udeme emi Abasi edinọde enye ke ini iso
-
Ntak emi ndibọn̄ akam nnọ Jehovah nnyụn̄ ntie n̄kere se idiọn̄ọde iban̄a enye edisọn̄ọde nnyịn idem?
-
Itie Bible oro edin̄wamde fi:
-
1Sa 30:1-9—Edidem David ama ọbọn̄ akam ọnọ Jehovah ke ini nnanenyịn, ndien Jehovah ama ọsọn̄ọ enye idem
-
Lu 22:39-43—Jesus ama ọbọn̄ akam ekpe Jehovah ubọk ete an̄wam imọ, ndien Jehovah ama ọdọn̄ angel ọkọsọn̄ọ enye idem
-
Didie ke eti mbụk emi isikopde esisọn̄ọ nnyịn idem ndien ntak emi ikpesinamde mbon en̄wen ẹtiene ẹkop?