Nditiene Mbuana ke Edinam Ido Ukpono En̄wen
Ndi kpukpru mme okpono abasi ẹkpono Abasi kiet?
Ndi Bible ekpep ke Jehovah enyịme kpukpru ufọkabasi ekpededi mmọ ẹkpep nsio nsio n̄kpọ?
Mt 7:13, 14; Joh 17:3; Eph 4:4-6
-
Itie Bible oro edin̄wamde fi:
-
Jos 24:15—Joshua ọkọdọhọ ke ana ibiere m̀mê idikpono Jehovah m̀mê idikpono abasi en̄wen
-
1Nd 18:19-40—Jehovah ama ada prọfet Elijah anam mme owo ẹkụt ke inaha mbon oro ẹkponode Jehovah ẹkpono abasi efen, utọ nte Baal
-
Jehovah ada didie mme abasi en̄wen ye mbon oro ẹkponode mme abasi oro?
Esitie Jehovah didie ke ini mme owo ẹdọhọde ke ikpono enye edi ke ẹnam mme n̄kpọ oro enye mîmaha?
Isa 1:13-15; 1Co 10:20-22; 2Co 6:14, 15, 17
-
Itie Bible oro edin̄wamde fi:
-
Ex 32:1-10—Nditọ Israel ẹma ẹnyịk Aaron anam abasi ọnọ mmimọ. Mmọ ẹma ẹda mbiet oro Aaron akanamde do “ẹnam usọrọ ẹnọ Jehovah,” ndien oro ama anam Jehovah enen̄ede ayat esịt
-
1Nd 12:26-30—Edidem Jeroboam ama anam mme abasi ubọkowo man mme owo idika temple ke Jerusalem, ndien oro ama anam mme owo ẹdue Jehovah
-
Didie ke Jehovah ekekpep nditọ Israel ke ana mmọ ẹda san̄asan̄a ẹkûnyụn̄ ẹtiene ẹkpono mme abasi ubọkowo?
Nso ke Jehovah akanam ini ikọt esie ẹkekponode mme abasi en̄wen?
Jg 10:6, 7; Ps 106:35-40; Jer 44:2, 3
-
Itie Bible oro edin̄wamde fi:
-
1Nd 11:1-9—Isen iban oro Edidem Solomon ọkọdọde ẹma ẹnam enye ọkpọn̄ Jehovah okokpono mme abasi en̄wen, ndien oro ama anam Jehovah ayat esịt
-
Ps 78:40, 41, 55-62—Asaph ama etịn̄ nte nditọ Israel ndikọkpọn̄ Jehovah n̄kokpono mme abasi ubọkowo akayatde Jehovah, ndien oro ama onyụn̄ anam Jehovah esịn mmọ
-
Jesus ekesinam n̄kpọ didie ini mbon eyo esie ẹkesikpepde se mîsịneke ke Bible?
-
Itie Bible oro edin̄wamde fi:
-
Mt 16:6, 12—Jesus ekemen ukpepn̄kpọ mme Pharisee ye mme Sadducee odomo ye leaven sia nsu oro mmọ ẹkesikpepde ama ọsọp atara asuana inyụn̄ iyakke mme owo ẹdiọn̄ọ akpanikọ Ikọ Abasi
-
Mt 23:5-7, 23-33—Jesus ama enen̄ede asua ọnọ mme scribe ye mme Pharisee ke ntak nsu oro mmọ ẹkesikpepde
-
Mr 7:5-9—Jesus ama ayarade nsu mme scribe ye mme Pharisee sia mmọ ẹkesinam se mme owo ẹdọhọde utu ke ndinam se Ikọ Abasi etịn̄de
-
Ndi Jesus ama enyịme mme mbet esie ẹbahade ẹda nsio nsio?
-
Itie Bible oro edin̄wamde fi:
-
Joh 15:4, 5—Jesus ama ada uwụtn̄kpọ vine owụt mme mbet esie ke ana mmọ ẹnen̄ede ẹdiana kiet ye enye ye nditọete mmọ
-
Joh 17:1, 6, 11, 20-23—Ke akpatre okoneyo oro mbemiso ẹkewotde Jesus, enye ama ọbọn̄ akam ọdọhọ Jehovah an̄wam mme mbet esie ẹdiana kiet
-
Ndi mme Christian eyo mme apostle ẹkesikpep ukem n̄kpọ ẹnyụn̄ ẹkpono Jehovah?
-
Itie Bible oro edin̄wamde fi:
-
Ut 11:20-23, 25, 26—Mme esop ke Antioch ye Jerusalem ẹma ẹnen̄ede ẹdiana kiet ẹnam utom
-
Ro 15:25, 26; 2Co 8:1-7—Nsio nsio esop ke eyo mme apostle ẹma ẹnọ n̄kpọ un̄wam ẹsọk nditọete mmọ. Oro okowụt ke mmọ ẹma idemmọ ẹnyụn̄ ẹdiana kiet
-
Ndi mme ufọkabasi ndidọhọ ke imọbuọt idem ye Jesus anam Abasi enyịme kpukpru mmọ?
Mme owo mînyịmeke se Jesus ye mme apostle ẹkekpepde, ndi Abasi oyosụk enyịme utuakibuot mmọ oro?
-
Itie Bible oro edin̄wamde fi:
-
Mt 13:24-30, 36-43—Ke uwụtn̄kpọ oro Jesus ọkọnọde, enye ekemen nsunsu mme Christian odomo ye mbiet onyụn̄ ọdọhọ ke mmọ ẹyom ndibiat mbon en̄wen ke esop
-
1Jo 2:18, 19—Apostle John emi ama ọkọsọn̄ ama etịn̄ ke mme andibiọn̄ọ Christ ẹma ẹtọn̄ọ ẹdu ke esop ke n̄kpọ nte isua ikie ama ekebe tọn̄ọ Jesus akamana
-
Nso iditịbe edieke ẹyakde mbon oro mîkpepke se Bible etịn̄de mînyụn̄ inamke se Jesus ekpepde ẹdu ke esop?
Nso ke ana mme Christian ẹnam man ẹka iso ẹdiana kiet?
Ntak emi mînaha mme Christian ẹtiene ẹkpep nsunsu ukpepn̄kpọ?
Ntak anade iyarade nsunsu ukpepn̄kpọ oro mbon ufọkabasi ẹkpepde, ndien nso ididi ufọn?
Ntak emi mîkpakpaha nnyịn idem edieke mbon oro ẹkade nsunsu ufọkabasi ẹnamde ntịme ye nnyịn ẹnyụn̄ ẹnamde ẹkọbọ nnyịn?
Ekeme Ndidi Ayama Mmọ Emi N̄ko
ENYỌN̄-UKPEME
Ndi Abasi Ama Ido Ukpono Ẹbuaha Ntre Ẹnam N̄kpọ?
Ndi ọfọn ndiyom nte kpukpru ufọkabasi ẹkpedianade kiet edi ẹfre Abasi? Nte Bible ọbọrọde mbụme emi ọmọn̄ akpa fi idem.
BIBLE EKEME NDIBỌRỌ MBỤME FO
Ndi Kpukpru Ufọkabasi Ẹdi Kiet? Ndi Kpukpru Mmọ Ẹkpono Ata Abasi?
N̄kpọ iba ọwọrọ ada ke ibọrọ mbụme oro ke Bible.
ABAN̄A NNYỊN
Dọhọ Mmọ Ẹdi Ufọk
Se nte Bible ekemede ndibọrọ mbụme fo, mîdịghe kpep n̄kpọ ban̄a Mme Ntiense Jehovah.
