IKPEHE 6
Ndinam N̄kpọ Obio Ubọn̄—Ndibọp Mme Itie Utuakibuot Nnyụn̄ N̄n̄wam Nditọete Nnyịn
AFO omodụk Ufọkmbono Obio Ubọn̄ mbufo, edi ayak nsịn̄ ukpufiọkke ke enye ke edi. Esịt esinen̄ede enem fi aban̄a ufọk emi kpukpru ini. Ekeme ndidi emeti nte eketienede anam utom ufọk emi ke ediwak isua emi ẹkebede. Edi idahaemi, esịt akam etetịm enem fi sia ẹda Ufọkmbono Obio Ubọn̄ emi ẹdeme mme n̄kpọ un̄wam ke ibio ini. Ọkpọsọn̄ edịm ndondo emi ama abiat n̄kpọ ke edem mbufo. Kọmiti N̄kọk Itieutom ẹnyụn̄ ẹsọsọp ẹnam ndutịm man ẹnọ mbon emi n̄kpọ oro ọnọmọde udia, ọfọn̄, eti mmọn̄, ye mme n̄kpọ eken. Ẹbon mme n̄kpọ un̄wam oro ẹtịpde ke nde ke nde. Nditọete ke ẹdụk ẹdibọ se mmọ ẹyomde, ediwak mmọ ke ẹkwọhọde mmọn̄eyet idatesịt ke enyịn.
Jesus ọkọdọhọ ke akpan n̄kpọ oro ẹdidade ifiọk ikọt imọ edi ima oro mmọ ẹmade kiet eken. (John 13:34, 35) Ke ikpehe enye emi, idineme nte mme Christian ẹsiwụtde ima ke utom ubọpn̄kpọ ye utom edinọ un̄wam oro Mme Ntiense Jehovah ẹsinamde. Kpukpru utọ ima oro enen̄ede ọwụt ke Jesus ke akara ke Obio Ubọn̄.
KE IKPEHE EMI
IBUOT 18
Nte Ẹsan̄ade Ẹnyene Okụk Ẹda Ẹnam Mme N̄kpọ Obio Ubọn̄
Ẹsida okụk ke m̀mọ̀n̄? Nso ke ẹsida ẹnam?
IBUOT 19
Utom Ubọpn̄kpọ Oro Ọnọde Jehovah Ubọn̄
Mme itie utuakibuot ẹnam ẹtoro Abasi, edi enyene n̄kpọ oro enye adade ke akpan n̄kpọ akan.
IBUOT 20
Utom Unọ Un̄wam
Isan̄a didie ifiọk ke utom unọ un̄wam edi n̄ko edisana utom oro inamde inọ Jehovah?