Se Ẹtịn̄de Ẹnọ Mme Andidụk Mbono
AKPA USỌBỌ: Mbọk ti ete ke ẹnam itie emi ẹnọ MBABUAT N̄KPỌNTỊBE KPỌT.
BAPTISM: Ẹyenịm n̄kpọitie ẹnọ mbon baptism ke iso itie edinam. Edieke ẹnamde ukpụhọde ekededi, ẹyenam mbufo ẹfiọk. Mbon oro ẹyomde ndina baptism ẹkpenyene nditie ke ebiet oro ẹnịmde ẹnọ mmọ mbemiso utịn̄ikọ baptism ọtọn̄ọde ke usenubọk Saturday. Owo kiet kiet ekpenyene ndida ọfọn̄ ukwọhọde idem ye ọfọn̄ uyere mmọn̄ esie oro owụtde iso o-bụt ndi.
ENỌ IMAESỊT: Ẹbiat ekese okụk ẹnam ndutịm man ẹnyene n̄kpọitie oro ekemde, ẹnyene n̄kpọ utịn̄ikọ, mme TV, n̄kpọ usio vidio, ye ediwak n̄kpọ eken oro anamde mbono emi enem, onyụn̄ an̄wam nnyịn inen̄ede ikpere Jehovah. Enọ imaesịt fo ayan̄wam ẹkeme ndinyene okụk nda nnịm mbono emi mma, onyụn̄ an̄wam ke utom Abasi emi inamde ke ofụri ererimbot. Oyokụt mme ekebe emi afo ekemede ndisịn enọ imaesịt fo ke ofụri an̄wa mbono emi. Imenen̄ede idara se ededi oro afo esịnde ke ekebe oro. Otu Emi Ẹsede Ẹban̄a Utom Mme Ntiense Jehovah ẹkọm fi ke nte atatde ubọk an̄wam man ẹnam utom Abasi.
MME ADAIDAHA: Ẹnịm mme adaidaha man ẹn̄wam fi. Mbọk kop se mmọ ẹtịn̄de. Nịm n̄kpọisan̄ ke ebiet emi mmọ ẹdọhọde, san̄a ke ebiet emi mmọ ẹwụtde fi, tie ke ebiet emi mmọ ẹnọde fi, nyụn̄ menede n̄kpọ fep ke n̄kpọitie edieke mmọ ẹdọhọde anam ntre, ye ntre ntre.
N̄KPỌITIE: Mbọk kere ban̄a mbon en̄wen. Ti ete ke n̄kukụre mbon oro ekemede ndinịm itie nnọ ẹdi mbonubon mbufo, mbon oro ẹsan̄ade ye afo ke ubomisọn̄ mbufo, mbon oro ẹdụn̄de ye mbufo, m̀mê mbon oro afo esikpepde Bible. Mbọk kûdori n̄kpọ ke n̄kpọitie emi mûnịmke unọ owo ndomokiet.
N̄KPỌ ORO ẸFIỌHỌDE: Ẹkpenyene ndida kpukpru n̄kpọ oro ẹfiọhọde n̄ka Lost and Found. Edieke n̄kpọ ekededi ọbọhọde fi osop, ka itieutom emi koyom. Ẹkpenyene ndida nditọwọn̄ oro ẹbọhọde mme ete ye eka ẹsop n̄ka itieutom emi. Mme ete ye eka, mbọk ẹtịm ẹse nditọ mbufo enyịn man mmọ idinam esịt ọduọ mbufo m̀mê ndimen utom n̄kọnọ owo en̄wen.
UTOM IMAESỊT: Edieke oyomde ndin̄wam ke utom ke mbono emi, mbọk ka Information and Volunteer Service Department.
SAN̄ASAN̄A MBONO
UFỌKN̄WED MME ỌKWỌRỌ OBIO UBỌN̄: Mme asiakusụn̄ emi ẹdide isua 23 esịm 65, emi ẹkpemade ndinam ekese utom nnọ Jehovah, ẹkpenyene ndidụk mbono mbon oro ẹyomde ndika Ufọkn̄wed Mme Ọkwọrọ Obio Ubọn̄ emi ẹdinịmde uwemeyo Sunday. Ẹyetọt ini ye ebiet oro ẹdinịmde mbono emi.
Otu Emi Ẹsede Ẹban̄a Utom Mme Ntiense Jehovah ẹtịm mbono emi
