Ediwak Miliọn Edibotn̄kpọ eke Spirit
Bible asian nnyịn ete ke ediwak mbon spirit ẹdu. Jehovah ke idemesie edi spirit.—John 4:24; 2 Corinth 3:17, 18.
Inikiet ko Jehovah okodu ikpọn̄ ke ekondo. Ekem enye ama ọtọn̄ọ ndibot mme owo eke spirit ẹmi ẹkotde angel. Mmọ ẹnyene odudu ẹnyụn̄ ẹnyene ifiọk ẹkan mme owo. Jehovah ama obot ediwak angel; asan̄autom Abasi oro, Daniel, ke n̄kukụt kiet, ama okụt ediwak miliọn mme angel ke itie ikie.—Daniel 7:10; Mme Hebrew 1:7.
Abasi ama obot mme angel ẹmi idem mbemiso enye okobotde isọn̄. (Job 38:4-7) Idụhe ndomokiet ke otu mmọ oro ama okodu uwem onyụn̄ akpa ke isọn̄.