Ndụn̄ọde oro ẹnamde ke ofụri ererimbot ndo ndo emi, a owut ke owo kiet ke otu owo inan̄ ẹsikop ndobo.

•   Chido Mpemba, akwaowo World Health Organization’s Commission on Social Connection ọkọdọhọ ete: “Nditre ndidian idem ye mme owo ekeme ndifịna owo eke ededi, inamke n̄kpọ m̀mê enye odụn̄ ke m̀mọ̀n̄ m̀mê edi akamba owo m̀mê eyenọn̄wọn̄.”

 Ndusụk owo ẹkere ke ikpọ owo m̀mê mbon emi ẹdụn̄de ikpọn̄ kpọt ẹsikop ndobo. Edi, n̄kparawa, mbon emi idem ọsọn̄de, mbon emi ẹforode m̀mê mbon emi ẹdọde ndọ ẹsikop ndobo n̄ko. Nditre ndidian idem ye mme owo ye ndobo ekeme ndinam owo enyene idiọk udọn̄ọ.

•   Dr. Vivek Murthy, emi edide akamba dọktọ ke U.S. ọkọdọhọ ete: “Idịghe ndinyụn̄ nnam owo etie mfụho mfụhọ kpọt ke ndobo esinam.” Enye ọkọdọhọ n̄ko ete: “Ibat mme owo oro ẹkpan̄ade ke ntak ndobo onyụn̄ aka ndidi ukem nte ibat mbon oro ẹkpan̄ade ke ntak emi ẹsin̄wọn̄de n̄kpọ nte sika 15 ke usen.”

 Andibot nnyịn iyomke nnyịn idian̄ade itie ikpọn̄ ikpọn̄. Tọn̄ọ ke editọn̄ọ, Abasi okoyom mme owo ẹdianakiet ẹnyụn̄ ẹkop inem kiet eken.

•   Se Bible etịn̄de: “Abasi ọdọhọ ete: ‘Ifọnke owo ndidu ikpọn̄.’”​—Genesis 2:18.

 Abasi oyom nnyịn idi ufan esie. Abasi ọdọhọ ke nnyịn ima ikam idodomo ndisan̄a n̄kpere Enye, ke imọ iyasan̄a ikpere nnyịn.​—James 4:8.

•   Se Bible etịn̄de: “Mmọ oro ẹkerede ẹban̄a unana mmọ ke n̄kan̄ eke spirit ẹkop inemesịt, koro obio ubọn̄ heaven enyenede mmọ.”​—Matthew 5:3.

 Abasi oyom idiana kiet ye mbon en̄wen ikpono Enye. Edieke inamde oro, iyokop inemesịt.

•   Se Bible etịn̄de: “Ẹyak nnyịn inyụn̄ ikere nte ikpedemerede kiet eken inọ ima ye nti utom, ikûsịn ndisop idem ọtọkiet, . . . edi isịn udọn̄ inọ kiet eken.”​—Mme Hebrew 10:24, 25.

 Edieke oyomde ndidiọn̄ọ ntak edide akpan n̄kpọ ndikan ndobo, kot ibuotikọ emi, “Loneliness in a World of Mass Connection.”