Paul ye Silas ẹma ẹsịne ke ufọk-n̄kpọkọbi ẹkwọ ikwọ ẹtoro Abasi. (Ut 16:25) Mme Ntiense oro mbon Nazi ẹkesịnde ke ufọk-n̄kpọkọbi Sachsenhausen ke Germany ye mbon oro ẹkemụmde ẹka Siberia ẹma ẹsinyụn̄ ẹkwọ ikwọ Obio Ubọn̄. Emi owụt nte ikwọ ekemede ndinam mme Christian ẹnyene uko ke ini ẹkọbọde mmọ.

Ibịghike, ediwak usem ẹyetiene ẹnyene obufa n̄wedikwọ emi ẹkotde “Sing Out Joyfully” to Jehovah. Ini ekededi oro inyenede n̄wedikwọ emi, ọkpọfọn ikpep mme ikwọ emi ke ini Utuakibuot Ubon nnyịn man imụm ndusụk mmọ idọn̄ ke ibuot. (Eph 5:19) Ndien edisana spirit ayanam iti mmọ ke ini ẹkọbọde nnyịn. Mme ikwọ Obio Ubọn̄ ẹkeme ndinam inen̄ede ikere se Abasi ọn̄wọn̄ọde ndinam ke ini iso. Mmọ ẹkeme n̄ko ndin̄wam nnyịn inyene uko ke ini ẹkọbọde nnyịn. Ndien ke ini esịt enemde nnyịn, ndinem ikọ ikwọ emi ẹkeme ndinam ikwọ ikwọ ke ofụri esịt inọ Jehovah. (1Ch 15:16; Ps 33:1-3) Ntre, ọfọn isikwọ mme ikwọ Obio Ubọn̄ nnyịn kpukpru ini!

ẸSE VIDIO ORO IKWỌ EMI ADUAIDE MME ANAMUTOM IDEM, EKEM ẸBỌRỌ MME MBỤME EMI:

• Nso ikanam Brọda Frost ewet ikwọ?

• Didie ke ikwọ oro akan̄wam nditọete oro ẹkedude ke ufọk-n̄kpọkọbi Sachsenhausen?

• Nso ye nso ke afo esisobo ke usen ke usen emi ikwọ Obio Ubọn̄ ekemede ndin̄wam fi ọyọ?

• Mme ikwọ Obio Ubọn̄ ewe ke akpama ndimụm ndọn̄ ke ibuot?