Mmanie ke ikpadara? Owo ekededi emi odụkde mbono esop nnyịn—m̀mê edi obufa owo m̀mê idịghe. (Ro 15:7; Heb 13:2) Emi esịne nditọete emi ẹtode idụt en̄wen ẹdidụk mbono esop ye nnyịn m̀mê owo emi ama eketre ndidụk mbono esop ke anyan ini. Kọm nyụn̄ dara mmọ nte okponyụn̄ oyomde ẹdara fi. (Mt 7:12) San̄a kọm mme owo mbemiso mbono esop ọtọn̄ọde ye ke mbono esop ama akasuana. Emi esinam mbono esop enem mme owo onyụn̄ anam ẹnọ Jehovah ubọn̄. (Mt 5:16) Imọdiọn̄ọ ke udukemeke ndineme nneme ye kpukpru owo emi ẹdụkde mbono esop. Edi edieke kpukpru nnyịn isịnde ukeme ikọm inyụn̄ idara mme owo, eyenem kpukpru owo ke idem. *

Idịghe ini akpan edinam nte Editi kpọt ke ikpesinen̄ede idara mme owo. Ikpesinam emi kpukpru ini. Ke ini mbufa owo ẹkụtde nte nnyịn imade kiet eken ke ofụri esịt, emi ekeme ndinam mmọ ẹtoro Jehovah ẹnyụn̄ ẹtiene nnyịn ẹkpono enye.—Joh 13:35.