NTAK EMI EDIDE AKPAN N̄KPỌ: Jehovah edi Akwa Anditeme nnyịn, ndien idụhe ukpep ndomokiet emi ọfọnde nte esie. Enye ekpep nnyịn se ikpanamde man uwem enem nnyịn idahaemi ye se ikpanamde man inyene idotenyịn ndidu uwem ke nsinsi. Kpukpru emi edi ke mfọn! (Isa 11:6-9; 30:20, 21; Edi 22:17) Jehovah ekpep nnyịn n̄ko nte ikpọkwọrọde eti mbụk emi inọ mbon en̄wen.—2Co 3:5.

NTE AKPANAMDE:

• Sụhọde idem nyịme Jehovah ekpep fi n̄kpọ.—Ps 25:8, 9

• Nyịme ndinam se ẹnọde fi anam idahaemi, utọ nte ndinam n̄kpọ ke mbono esop ufọturua

• Biere mme n̄kpọ oro aduakde ndinam nnọ Abasi.—Php 3:13

• Nam n̄kpọ man odot ndibọ ukpep en̄wen.—Php 3:8

ẸSE VIDIO ORO NTE JEHOVAH ỌDIỌN̄DE NDITỌ UFỌKN̄WED SKE, EKEM ẸBỌRỌ MME MBỤME EMI:

• Mme mfịna ewe ikpakakpan ndusụk mme asuanetop ndika Ufọkn̄wed Mme Ọkwọrọ Obio Ubọn̄ (SKE)?

• Nso ke ẹsikpep ke Ufọkn̄wed Mme Ọkwọrọ Obio Ubọn̄?

• Didie ke nditọete ẹsin̄wam mbon oro ẹnọde ẹka esop en̄wen ke mmọ ẹma ẹkekụre Ufọkn̄wed Mme Ọkwọrọ Obio Ubọn̄?

• Mmanie ẹkpesịn n̄wed ndika Ufọkn̄wed Mme Ọkwọrọ Obio Ubọn̄? (kr 189)

• Ewe ufọkn̄wed esop Abasi en̄wen ke akpama ndidụk?