NTE CHRISTIAN OKPODUDE UWEM

N̄wam Nditọ Fo Ẹnen̄ede Ẹnịm ke Abasi Okobot Kpukpru N̄kpọ

BRE

Mme n̄kpọ emi Jehovah obotde ẹsinọ enye ubọn̄. (Ps 19:1-4; 139:14) Edi utu ke mme owo ke ererimbot emi nditiene nnọ Jehovah ubọn̄, mmọ ẹdọhọ ke n̄kpọ okofoforo. (Ro 1:18-25) Nso ke akpanam man nditọ fo ẹkûtiene unịm utọ n̄kpọ emi? Tọn̄ọ ke ini emi mmọ ẹdide n̄kpri n̄wam mmọ ẹfiọk ke Abasi do, ndien ke enye ekere aban̄a mmọ. (2Co 10:4, 5; Eph 6:16) Nam mmọ ẹtịn̄ nte mmọ ẹsede se ẹsikpepde mmọ ke ufọkn̄wed, nyụn̄ da ediwak n̄kpọ oro esop Abasi ẹsiode nam Ikọ Abasi odụk mmọ esịt.—N̄ke 20:5; Jas 1:19.

ẸSE VIDIO ORO SE UBỌKN̄KA FO ẸTỊN̄DE—NỊM KE ABASI DO, EKEM ẸNEME MME MBỤME EMI:

Ediwak owo ẹkere ke mmanie ẹsinịm ke Abasi do?
Nso ke ẹsikpep mbufo ke ufọkn̄wed?
Nso inam enịm ke Jehovah mmọdo?
Didie ke ekeme ndin̄wam owo okụt ke Abasi okobot kpukpru n̄kpọ?

Ekeme Ndidi Ayama Mmọ Emi N̄ko

N̄KPARAWA OWO ẸBỤP

Ndi Ẹkebobot M̀mê N̄kpọ Okofoforo?—Akpa Ikpehe: Ntak Emi Afo Ekpenịmde ke Abasi Odu?

Ndi akpama ndinen̄ede ndiọn̄ọ nte ekpetịn̄de ọnọ owo ke Abasi odu? Kot mi man okụt se ekpetịn̄de edieke owo obụpde fi se inamde enịm ke Abasi odu.

N̄WED MBONO ESOP UWEM YE UTOM NNYỊN MME CHRISTIAN