Idotenyịn etie nte ukwak ubom. (Heb 6:19) Enye esinam isọn̄ọ ida ke ini isobode idomo. (1Ti 1:18, 19) Ndusụk mfịna oro ẹkemede ndinam idem emem nnyịn ẹdi udọn̄ọ emi mîmaha ndikụre, ndudue nnyịn, owo nnyịn ndikpa, inyene nnyịn nditak, m̀mê n̄kpọ ekededi emi ekemede ndinam nnyịn ikpọn̄ Abasi.

Mbuọtidem ye idotenyịn idiyakke ifre mme n̄kpọ emi Abasi ọn̄wọn̄ọde; editie nte n̄kpọ emi ikụtde mmọ ke enyịn. (2Co 4:16-18; Heb 11:13, 26, 27) Ntem, edide idori enyịn ndika heaven m̀mê ndidu ke Paradise mi ke isọn̄, ana isitie ikere se Abasi aduakde ndinam nnọ nnyịn. Emi idiyakke esịt etịmede nnyịn ke ini isobode idomo oro ekemede ndinam idem emem nnyịn.—1Pe 1:6, 7.

SE VIDIO ORO ẸDAT ESỊT KE IDOTENYỊN, EKEM BỌRỌ MME MBỤME EMI:

• Nso eti uwụtn̄kpọ ke Moses ekenịm ọnọ nnyịn?

• Nso ke mme ibuotufọk ẹnyene ndinam?

• Nso ke ẹkpeneme ke ini Utuakibuot Ubon mbufo?

• Didie ke idotenyịn ekeme ndin̄wam fi ke ini afan̄ikọn̄?

• Nso ke afo enen̄ede odori enyịn ndikụt ke ini iso?