NTAK EMI EDIDE AKPAN N̄KPỌ: Edieke ‘uduak esịt owo ebietde udem,’ ọwọrọ mbụme etie nte n̄kpọ emi ikemede ndida ndụri enye nsio. (N̄ke 20:5) Ndibụp owo mbụme ayanam enye etiene esịn uyo ke nneme. Edieke ifiọkde nnennen mbụme oro ikpobụpde owo, se enye edibọrọde ayanam ifiọk se enye ekerede. Jesus ama ọfiọk nte okpobụpde owo mbụme. Didie ke ikeme ndikpebe enye?

NTE AKPANAMDE:

• Bụp mbụme emi anamde owo etịn̄ se enye ekerede. Jesus ama esibụp mbet esie mbụme man ọfiọk se mmọ ẹkerede. (Mt 16:13-16; be 238 ¶3-5) Nso utọ mbụme ke afo ekeme ndibụp man ọfiọk se owo ekerede?

• Bụp mbụme emi anamde owo ọfiọk se idide akpanikọ. Ke ini Jesus okokụtde ke se Peter ekerede inenke, enye ama obụp Peter mbụme oro anamde enye ọfiọk se ikpedide nnennen ibọrọ. (Mt 17:24-26) Nso utọ mbụme ke afo okpobụp owo man anam enye ọfiọk se idide akpanikọ?

• Toro owo ke ini enye ọbọrọde mbụme fo. Ke ini scribe kiet ọkọnọde Jesus nnennen ibọrọ, Jesus ama otoro enye. (Mr 12:34) Didie ke ekeme nditoro owo ke ini enye ọbọrọde mbụme fo?

BRE AKPA IKPEHE KE VIDIO ORO NAM UTOM EMI JESUS AKANAMDE —KPEP OWO N̄KPỌ, EKEM BỤP MME MBỤME EMI:

• Kpa ye oro se eyenete emi etịn̄de enende, ntak emi ndikpep owo n̄kpọ ntem mîfọnke?

• Ntak emi ọfọnde isibụp mbụme utu ke ndimen kpukpru n̄kpọ ntịn̄ ikpọn̄?

BRE UDIANA IKPEHE KE VIDIO ORO NAM UTOM EMI JESUS AKANAMDE —KPEP OWO N̄KPỌ, EKEM BỤP MME MBỤME EMI:

• Didie ke eyenete oro okobụp eyen ukpepn̄kpọ esie mbụme?

• Nso en̄wen ke eyenete oro akanam emi ikpekpebede?