Esidọn̄ nnyịn ndinam akpanikọ odụk esịt owo emi ikọkwọrọde ikọ inọ. (1Co 3:6) Edieke ikụtde owo emi amade ukwọrọikọ nnyịn, ọkpọfọn ibụp enye mbụme emi idibọrọde ke ini ifiakde ika. Owo emi editetie ibet nnyịn ifiak idi, oyonyụn̄ emem nnyịn utom nditịm idem nnọ mfiakn̄ka oro. Ke ini ifiakde ika, ididọhọ enye ke ifiak idi ndibọrọ mbụme oro ikobụpde enye akpatre ini emi ikedide.

• Ke ini ekerede aban̄a se edinemede ke ufọk ke ufọk, kere n̄ko ban̄a mbụme emi edibụpde owo man ọkpọbọrọ ke ini afiakde aka. Emekeme ndisio mbụme oro ke n̄wed oro ọnọde enye, mîdịghe osio ke kiet ke otu n̄wed ukpepn̄kpọ nnyịn emi edidade isọk enye ke ama afiak aka.

• Mbemiso ọnyọn̄de ke ufọk owo emi akamade ukwọrọikọ fo, dọhọ enye ke ikpama ndifiak ndi man ika iso ke nneme oro, ekem bụp enye mbụme emi akaduakde. Bụp enye ebiet emi enye odụn̄de ye nọmba fon esie.

• Edieke ẹnịmde ini oro edifiakde ika, fiak ka ke ini oro ẹkenịmde.—Mt 5:37.