Ndi akpama ndinen̄ede nsịn idem nnam n̄kpọ nnọ Jehovah ke ini Editi? (2Co 5:14, 15) Mme asiakusụn̄ unọ un̄wam ẹkeme ndinọ hour 30 m̀mê 50 ke ọfiọn̄ March ye April. Edieke edide eyekeme ndinam utom emi, nọ Kọmiti Utom Esop mbufo fọm fo. Kpukpru ọfiọn̄, ẹyenam esop ẹdiọn̄ọ mbon oro ẹyomde ndinam usiakusụn̄ unọ un̄wam ọfiọn̄ oro. Emi ayanam mbon eken ke esop ẹnam ndutịm man ẹsitiene mmọ ẹkwọrọ ikọ. Ọkpọfọn kpukpru nnyịn itiene isịn idem ikwọrọ ikọ ke ini Editi man inen̄ede ifiọk ndikwọrọ ikọ inyụn̄ isọn̄ọ kiet eken idem.—1Th 5:11.