Jehovah oyom ebe ye n̄wan ẹnam se mmọ ẹken̄wọn̄ọde ke usen ndọ mmọ. Enye iyomke mmọ ẹdian̄ade ẹkpọn̄ kiet eken. (Mt 19:5, 6) Ediwak mbon oro ẹnamde n̄kpọ Abasi ẹkop inem ndọ mmọ. Edi idụhe ebe ye n̄wan emi ẹfọnde ẹma, ntre mmọ ẹyenyene mfịna ndusụk ini. Ikpanaha itiene mbon ererimbot ikere ke ana idian̄ade m̀mê iwọrọ ndọ ke ini inyenede mfịna. Nso ke mme Christian ẹkpenam man ndọ mmọ edibiara?

Yak ineme akpan n̄kpọ ition.

1. Kûdian idem ukaha ye owo emi mîdịghe ebe m̀mê n̄wan fo, kûnyụn̄ use oburobụt n̄kpọ sia mme n̄kpọ ntre ẹsibabiat ndọ.—Mt 5:28; 2Pe 2:14.

2. Nam mme n̄kpọ emi ẹdinamde fi enen̄ede edi ufan Abasi, nyụn̄ nen̄ede biere ndinam ndọ fo enem Abasi esịt.—Ps 97:10.

3. Ka iso ndikpebe Jehovah, nyụn̄ nam n̄kpri n̄kpri n̄kpọ emi ẹdinamde esịt enem n̄wan m̀mê ebe fo.—Col 3:8-10, 12-14.

4. Ẹsineme nneme kpukpru ini, ẹnyụn̄ ẹtịn̄ ikọ ukpono ukpono ye kiet eken.—Col 4:6.

5. Yak nte ọnọde n̄wan m̀mê ebe fo udeme ndọ esie owụt ke emenen̄ede ama enye.—1Co 7:3, 4; 10:24.

Edieke mme Christian ẹdade ndọ mmọ nte ata akpan n̄kpọ, oro oyowụt ke mmọ ẹkpono Jehovah emi ọkọtọn̄ọde ndọ.

ẸSE VIDIO ORO ANA ‘IFEHE MBUBA EMI YE IME’—FEHE NTE ẸDỌHỌDE, EKEM ẸBỌRỌ MME MBỤME EMI:

• Kpa ye oro ndọ ekemede ndinem ke nsonso oro, nso mfịna ikeme ndidu nte ini akade?

• Mme item Bible ewe ẹkeme ndin̄wam ebe ye n̄wan emi ẹkerede ke mmimọ imaha idem mmimọ aba?

• Jehovah oyom ndọ etie didie?

• Nso ke ana ebe ye n̄wan ẹnam man ndọ mmọ enem?