Ndi Jehovah ọdiọn̄ọ se ifọnde ye nnyịn kpukpru ini? Ih ọdiọn̄ọ! Edieke inamde se enye ọdọhọde, oro oyowụt ke imenịm ke enye ọdiọn̄ọ se ifọnde ye nnyịn. (N̄ke 16:​3, 9) Edi, edieke se Jehovah ọdọhọde inam okpụhọrede ye se nnyịn ikerede, ekeme ndisọn̄ nnyịn ndinịm ke se enye ọdọhọde inam edi ke ufọn nnyịn. Nditie n̄kere mme n̄kpọ oro Jehovah obotde ayanam inen̄ede ikụt ke Jehovah ọdiọn̄ọ se ifọnde ye nnyịn.​—N̄ke 30:​24, 25; Ro 1:20.

ẸSE VIDIO ORO NDI ẸKEBOBOT? NSO KE NNUENE ẸSINAM MAN USỤN̄ IDIBỌP IBAHA MMỌ? EKEM ẸBỌRỌ MME MBỤME EMI:

• Nso ke ediwak nnuene ẹsinam kpukpru usen?

• Nso ke nnuene ẹsinam man usụn̄ idibọp ibaha mmọ ke ini mmọ ẹsan̄ade ke udịm?

• Nso ke mme owo ẹkeme ndikpep nto nte nnuene ẹsisan̄ade ke udịm?

ẸSE VIDIO ORO NDI ẸKEBOBOT? NTE ỌKWỌK ESIFEDE, EKEM ẸBỌRỌ MME MBỤME EMI:

• Nso mfịna ke mme owo ẹsinyene ke ini ẹwatde ubomofụm emi mîkponke?

• Nso ke ọkwọk emi esinam man enye ediduọ edieke ọkpọsọn̄ ofụm ọwọrọde ke ini enye efede?

• Nte ini akade, nso ke mme owo ẹkeme ndida se mmọ ẹkpepde ẹto ọkwọk emi mbot?

Ke ini esede ebiet emi afo odụn̄de, nso ke okụt ke n̄kpọ-obot emi owụtde ke Jehovah enyene ọniọn̄?