Jehovah ada fi ke ọsọn̄urua. (Isa 43:4) Enye anam fi ọdiọn̄ọ imọ onyụn̄ ada fi edisịn ke esop esie. Ntak edi oro afo akayakde idem ọnọ enye onyụn̄ anade baptism. Enye ayaka iso ese aban̄a fi nte akpan inyene esie, idem ke ini n̄kpọ ọsọn̄de. Enye ayada esop esie owụt fi ke ima fi ata ima.​—Ps 25:10.

Ima itie ikere nte esop Abasi ẹn̄wamde mbon emi oto-obot afanikọn̄ etịbede ọnọ ke ndondo emi, oro ayanam nnyịn inen̄ede ikụt ke Jehovah ama nnyịn ata ima.

ẸSE VIDIO ORO SE KỌMITI MME ANAM-NDUTỊM ẸKENAMDE KE 2019, EKEM ẸBỌRỌ MME MBỤME EMI:

• Nso ke Kọmiti Mme Anam-Ndutịm ẹnam man n̄kọk itieutom kiet kiet ẹdiọn̄ọ se ẹkpenamde ke ini afanikọn̄ etịbede?

• Didie ke esop Jehovah ẹkenam nditọete ke Indonesia ye Nigeria ẹdiọn̄ọ se ẹkpenamde ke ini afanikọn̄ eketịbede, ndien didie ke ẹken̄wam nditọete ke mme idụt oro?

• Nso ke afo enen̄erede ama ke se esop Abasi ẹnamde ẹban̄a udọn̄ọ COVID-19?