Kpukpru isua, esidọdọn̄ ikọt Abasi nditi n̄kpa Jesus Christ. Ama ekpere ini editi, imesinen̄ede itoro Jehovah inyụn̄ inam n̄kpọ ndiwụt ke imama nte enye ọkọnọde eyen esie edikpa ke ibuot nnyịn. (Eph 1:3, 7) Ke uwụtn̄kpọ, imesinen̄ede isịn idem ikot mme owo ẹtiene ẹdidụk editi. Ndusụk owo ẹsinyụn̄ ẹnam se ẹkemede man ẹnyene ini ẹnam usiakusụn̄ unọ un̄wam ke ọfiọn̄ March ye April, emekeme ndimek ndinọ hour 30 m̀mê 50 ke mme ọfiọn̄ emi. Ndi akpama nditiene nsịn idem n̄kwọrọ ikọ ke ini editi emi? Nso idin̄wam fi ekeme ndinam emi?

Imesikeme ndinam se iduakde edieke idiomide nte idinamde n̄kpọ oro. (N̄ke 21:5) Ini editi ọmọn̄ edisesịm, ntre ọfọn itọn̄ọ idahaemi itịm idem. Kere se akpanamde man ekeme ndinyene ini nsịn idem n̄kwọrọ ikọ ke ini editi emi, nyụn̄ biere se edinamde man ekeme ndisịn idem n̄kwọrọ ikọ. Ekem ben̄e Jehovah an̄wam fi ekeme ndinam se ebierede oro.​—1Jo 5:14, 15.

Ndi emekeme ndikere se akpanamde man enyene ini esịn idem ọkwọrọ ikọ ke ini editi emi?