January 8-14
JOB 34-35
Ikwọ 30 ye Akam | Ntọn̄ọikọ (Min. 1)
1. Ke Ini Nti Owo Ẹbọde Ufen
(Min. 10)
Kûfre ke idịghe Jehovah edi ntak oro mme owo ẹsikpede ukwan̄ikpe (Job 34:10; wp19.1 8 ¶2)
Ekeme nditie nte ke mme idiọkowo ibọhọ ufen idiọkn̄kpọ oro mmọ ẹnamde; edi mmọ idibọhọke Jehovah (Job 34:21-26; w17.04 10 ¶5)
Se ikpanamde man in̄wam mbon oro ẹkpede ukwan̄ikpe ẹnọ edi ndikpep mmọ mban̄a Jehovah (Job 35:9, 10; Mt 28:19, 20; w21.05 7 ¶19-20)
2. Yom N̄kpọuto ke Ikọ Abasi
(Min. 10)
Job 35:7—Nso ke ikọ Elihu ọkọwọrọ ini enye okobụpde Job ete: “Nso ke [Abasi] ọbọ fi ke ubọk?” (w17.04 29 ¶3)
Nso ke okokụt ke itie Bible urua emi oro akpamade nditịn̄ mban̄a?
3. Edikot Bible
(Min. 4) Job 35:1-16 (th ukpepn̄kpọ 10)
4. Nte Ọkpọtọn̄ọde Nneme
(Min. 3) KE UFỌK KE UFỌK. Bụp enyene-ufọk m̀mê enye akpama ndikpep Bible. (lmd ukpepn̄kpọ 10 ọyọhọ n̄kpọ 3)
5. Nte Ọkpọtọn̄ọde Nneme
(Min. 4) KE INI ANAMDE N̄KPỌ IDEMFO. Wụt owo emi enyenede n̄kpri nditọ nte enye ekemede ndikụt mme n̄kpọ ikọ Abasi oro ẹdọn̄de ẹnọ mme ete ye eka ke jw.org. (lmd ukpepn̄kpọ 1 ọyọhọ n̄kpọ 4)
6. Nam Mme Owo Ẹdi Mbet Jesus
Ikwọ 58
7. Ndi Esidọn̄ Fi ‘Ndikwọrọ Ikọ’ ke Ini Anamde N̄kpọ Idemfo?
(Min. 15) Nneme.
Paul ọkọdọhọ Timothy ete: “Kwọrọ ikọ, nam emi usọp usọp.” (2Ti 4:2) Ẹma ẹsida ikọ Greek oro ẹkabarede “nam emi usọp usọp” ẹtịn̄ ẹban̄a mbonekọn̄ ndusụk ini. Ẹdọhọ ke owoekọn̄ mîdịghe ke owo-ukpeme emi adade ke itie ukpeme esie esibeben̄e idem kpukpru ini ndin̄wana ekọn̄. Ukem nte owoekọn̄, nnyịn imesiben̄e idem kpukpru ini man iwọn̄ọde nneme emi inemede ye owo isịn ke nneme ikọ Abasi.
Nte imade Jehovah ye kpukpru se enye anamde ọnọ nnyịn esinam ọdọdọn̄ nnyịn nditịn̄ nti edu oro Jehovah enyenede nnọ mme owo.
Dọhọ ẹkot Psalm 71:8. Ekem bụp otuowo mbụme emi:
Nso nti n̄kpọ emi aban̄ade Jehovah ke akpama nditịn̄ nnọ mme owo?
Nte imade Jehovah esinam ọdọdọn̄ nnyịn ndida ini inamde n̄kpọ idem nnyịn n̄kwọrọ ikọ.
Bre VIDIO emi Nte Ediwak Owo Ẹkedifiọkde Akpanikọ. Ekem bụp otuowo mme mbụme emi:
Didie ke nneme ikọ Abasi akanam ediwak owo ẹdidiọn̄ọ akpanikọ ke vidio oro?
Didie ke ndikpep Bible akan̄wam mbon oro ẹkesikade ufọkabasi akpa akpa?
Didie ke ndima mme owo esinam ọdọn̄ nnyịn ndida ini emi inamde n̄kpọ idem nnyịn nneme ikọ Abasi ye mmọ?
Nso inam ekere ke ndida ini emi anamde n̄kpọ idemfo nneme ikọ Abasi ye mme owo ayanam mmọ ẹnen̄ede ẹdiọn̄ọ Jehovah?
8. Ukpepn̄kpọ Bible Esop
(Min. 30) bt ib. 4 ekebe ke p. 33
