Oyom owo anam eti ndutịm man enye ekeme ndisiak usụn̄. Edieke ekemede ndikwọrọ ikọ hour 18 ke urua, eyekeme ndisiak usụn̄—onyụn̄ osụk enyene ini ọduọk odudu! Utọ ndutịm oro ayanam enyene ini man edieke n̄kpọ etịbede, mîdịghe edieke idem abiakde fi, m̀mê ke ini edịm edepde. Chart emi odude ke idak emi ayan̄wam mme asuanetop emi ẹnamde utom ndusụk usen ke urua ye mbon emi ẹnamde tọn̄ọ ke Monday ẹsịm Friday m̀mê mbon oro idem mînen̄ekede isọn̄. Edieke ẹkpụhọrede n̄kpọ ifan̄ ke ufọk, owo kiet ke ubon osụk ekeme nditọn̄ọ usiakusụn̄ ke September. Ẹda ini utuakibuot ubon mbufo ẹneme ẹban̄a emi ise.