Mfịn, imekeme ndinyene akpakịp inyene emi anamde uwem nnyịn awak n̄kukọhọ. Ndusụk n̄kpọ oro inyenede ẹkpa ediwak okụk, ẹsinyụn̄ oyom ida ediwak okụk ise iban̄a mmọ. Esiyom isịn ukeme inyụn̄ ida odudu nnyịn ise iban̄a inyụn̄ ikpeme mmọ. Sia Jesus mîkesiyomke ikpọ n̄kpọ, enye ama enyene ini esịn idem ọkwọrọ ikọ.—Mt 8:20.

Nso ke ikpanam man inyene ini isịn idem ikwọrọ ikọ? Ndi imekeme ndinam ukpụhọde ke ufọk nnyịn man owo kiet ke ubon nnyịn etiene anam utom usiakusụn̄? Idem ọkpọkọm nnyịn ke inam utom Abasi ofụri ini idahaemi, ndi imayak mme n̄kpọ obụkidem ẹnam uwem nnyịn awak afan̄? Owo nditre ndiyom ikpọ n̄kpọ nnyụn̄ nsịn idem nnam n̄kpọ Jehovah ayanam enye okop inemesịt onyụn̄ okop uyụhọ.—1Ti 6:7-9.

Se n̄kpanamde man nnen̄ede nnyene ini n̄kwọrọ ikọ.