Jehovah ama esin̄wam mme ubuene ke Israel. Didie ke enye an̄wam ikọt esie emi ẹdide ubuene mfịn?

• Enye anam mmọ ẹdiọn̄ọ ke okụk idịghe kpukpru n̄kpọ.—Lu 12:15; 1Ti 6:6-8

• Enye anam mmọ ẹdiọn̄ọ ke mmimọ isụk inyenyene ufọn, kpa ye oro mmimọ mînyeneke okụk.—Job 34:19

• Enye ekpep mmọ ndisịn idem nnam utom, ndinyụn̄ ntre mme n̄kpọ emi mîfọnke ye owo.—N̄ke 14:23; 20:1; 2Co 7:1

• Enye ada mmọ ẹsịn ke esop esie emi kpukpru owo ẹmade-ma kiet eken.—Joh 13:35; 1Jo 3:17, 18

• Enye anam mmọ ẹnyene idotenyịn.—Ps 9:18; Isa 65:21-23

Ọkpọkọm n̄kpọ ọsọn̄ didie ye nnyịn, inaha iyak esịt etịmede nnyịn. (Isa 30:15) Jehovah ọyọnọ nnyịn se iyomde edieke ibemde iso iyom Obio Ubọn̄ esie.—Mt 6:31-33.

ẸSE VIDIO ORO IMA IDIBEHE IFEP IDEM ỌKPỌKỌM . . . EDI UBUENE—CONGO, EKEM ẸBỌRỌ MME MBỤME EMI:

• Didie ke nditọete emi ẹdụn̄de ẹkpere ebiet emi ẹnịmde ikpọ mbono ẹsitat esịt ẹn̄wam nditọete mmọ emi ẹdide ndidụk mbono?

• Didie ke vidio emi owụt ke Jehovah ama mme ubuene?

• Didie ke ikeme ndikpebe Jehovah ọkpọkọm nnyịn inen̄ekede inyene n̄kpọ?