Nnyịn ndibiere se idinamde inọ Jehovah nnyụn̄ nsịn idem nnam se ikebierede oro esinam esịt enem enye. Nsio nsio n̄kpọ oro inamde inọ Abasi esin̄wam nnyịn inen̄ede ikpere enye. Esiyom iyak ini ye ndusụk n̄kpọ atak nnyịn man ikeme ndinam mme n̄kpọ oro. (1Ti 4:15) Ntak emi ọfọnde isifiak ise se ikebierede ndinam nnọ Jehovah? Sia n̄kpọ esikpụhọde. Imekeme ndikpụhọde se ikebiere ndinam mîdịghe nnyịn inam se ikebierede ndinam ima inyụn̄ ibiere ndinam en̄wen.

Ata eti ini ndibiere se idinamde inọ Abasi edi mbemiso obufa isua utom ọtọn̄ọde. Da ini utuakibuot ubon mbufo neme se edinamde inọ Abasi ke obufa isua utom oro edide, ekem ẹbiere se ubon mbufo ẹdinamde.

Nso ke ebiere ndinam mban̄a mme n̄kpọ ibatde mi, ndien didie ke edisan̄a inam mmọ?