Esidọn̄ mme ete ye eka emi ẹbakde Abasi ndikụt nte nditọ mmọ ẹsịnde idem ẹnam n̄kpọ Jehovah, idem ke mmọ ẹma ẹkekpon owo. Se idin̄wamde nditọ emi ẹnam emi edi edieke ete ye eka mmọ ẹtọn̄ọde ke ini emi mmọ ẹdide ata n̄kpri ẹkpep mmọ Ikọ Abasi. (De 6:7; N̄ke 22:6) Ndi esimem utom ndinam emi? Isimemke! Edi emi esida ata akamba ufọn edi. —3Jo 4.

Mme ete ye eka ẹkeme ndikpep ediwak n̄kpọ nto Joseph ye Mary. “Ekedi ido [mmọ] ndisika Jerusalem kpukpru isua ke ini usọrọ passover,” kpa ye oro ekesikpade mmọ n̄kpọ. (Lu 2:41) Emi owụt ke mmọ ẹkenịm n̄kpọ Abasi akpa ke ubon mmọ. Kpasụk ntre, mme ete ye eka ẹkpenyene ndinam ofụri se mmọ ẹkemede man ẹkpep nditọ mmọ Ikọ Abasi ẹnyụn̄ ẹnịm eti uwụtn̄kpọ ẹnọ mmọ. —Ps 127:3-5.

ẸSE VIDIO ORO MMỌ ẸMA ẸNAM OFỤRI SE MMỌ ẸKEMEDE, EKEM ẸBỌRỌ MME MBỤME EMI:

• Nso ke Brọda Schiller ye n̄wan esie ẹkenam man ẹka iso ẹnịm n̄kpọ Abasi akpa ke ubon mmọ toto ke ini emi nditọ mmọ ẹkedide n̄kpri?

• Ntak emi mme ete ye eka mîkpotụnọke kpukpru nditọ mmọ ke ukem usụn̄?

• Didie ke mme ete ye eka ẹkeme ndin̄wam nditọ mmọ ẹben̄e idem ẹnọ mme idomo emi mmọ ẹdisobode?

• Ewe ke otu n̄kpọ oro esop Abasi ẹsion̄ode ẹdi ke esida an̄wam nditọ fo ẹka iso ẹkpere Jehovah?