Ntak emi ikpekpemede se isidade inem idem esịt? Sia ke ini isede fim, ibrede ikwọ, idụkde Intanet, ikotde n̄wed, m̀mê ibrede mbre-vidio, ọwọrọ se iyomde ndikere mban̄a edi oro. Ndien isinam n̄kpọ itiene se ikerede. Ke idiọk ererimbot emi, ediwak n̄kpọ oro mme owo ẹsion̄ode ẹdi man ẹsida ẹnem idem esịt ẹdi mme n̄kpọ emi Jehovah asuade. (Ps 11:5; Ga 5:19-21) Oro anam Bible ọdọhọ nnyịn ika iso ikere mme n̄kpọ emi ẹnọde Jehovah ubọn̄.—Php 4:8.

ẸSE VIDIO ORO NSO KE N̄KPADA NNEM IDEM ESỊT? EKEM ẸBỌRỌ MME MBỤME EMI:

• Didie ke mme n̄kpọ oro ẹsion̄ode ẹdi mfịn man ẹsida ẹnem idem esịt ẹbiet en̄wan oro mbon Rome ẹkesidade ẹnem idem esịt?

• Didie ke nditọete ke esop ẹkpen̄wam mme uyen ẹmek n̄kpọ emi mmọ ẹkpesidade ẹnem idem esịt?

• Didie ke Rome 12:9 ekeme ndin̄wam nnyịn ifiọk mme n̄kpọ oro ikpesidade inem idem esịt?

• Nso ye nso ke mme owo ke edem mbufo ẹsida ẹnem idem esịt, emi ekerede ke idiọkke?