Kpukpru inyene Job ẹma ẹtak, nditọ esie ẹkpan̄a, enye onyụn̄ ọdọn̄ọ ata idiọk udọn̄ọ. Edi kpa ye oro, enye ikọkpọn̄ke Abasi. Satan ama odomo ndinam idem emem enye man enye ọkpọn̄ Abasi. Mme inua-okot ufan esie ita ẹma ẹdi ẹdise enye. Akpa kan̄a, mmọ ẹma ẹnam nte ke imenen̄ede iseme iban̄a se ikọwọrọde enye. Ekem mmọ ẹma ẹsụhọde ẹtie ye Job ke ofụri usen itiaba, itịn̄ke ikọ ndomokiet ndidọn̄ enye esịt. Ke ini mmọ ẹketọn̄ọde nditịn̄ ikọ ye enye, mmọ ẹkekam ẹdodori enye ikọ ẹnyụn̄ ẹsụn̄i enye.