“Ẹdu ke Ukpeme”
Kpa ye oro uwụtn̄kpọ nditọiban duop oro Jesus ọkọnọde aban̄ade mme Christian oro ẹyetde aran, kpukpru nnyịn imekeme ndikpep n̄kpọ nto uwụtn̄kpọ oro. (w15 3/15 12-16) “Ẹdu ke ukpeme, ndien, koro mbufo mîfiọkke usen m̀mê hour oro.” (Mt 25:13) Ndi emekeme ndinam uwụtn̄kpọ oro an̄wan̄a?
-
Ebendọ (ufan̄ikọ 1)—Jesus
-
Nditọiban emi ẹnyenede ọniọn̄ ẹnyụn̄ ẹben̄ede idem (ufan̄ikọ 2)—Mme Christian oro ẹyetde aran, emi ẹkade iso ẹnam utom oro ẹnọde mmọ ẹnyụn̄ ẹkade iso ẹyama tutu esịm utịt (Php 2:15)
-
Ndifiori nte: “Sese ebendọ mi!” (ufan̄ikọ 6)—Mme n̄kpọ oro ẹwụtde ke Jesus ke akara ke heaven
-
Nditọiban emi ẹdide ndisịme (ufan̄ikọ 8)—Mme Christian oro ẹyetde aran, emi ẹwọrọde ẹka ndisobo ye Ebendọ, edi idụhe ke ukpeme inyụn̄ isọn̄ọke ida inam n̄kpọ Abasi
-
Nditọiban emi ẹnyenede ọniọn̄ imaha ndinọ iban eken aran mmọ (ufan̄ikọ 9)—Ke ẹma ẹkefịk mme Christian oro ẹyetde aran akpatre idiọn̄ọ, mmọ idikemeke ndin̄wam owo mmọ ndomokiet emi mîkọsọn̄ọke ida
-
“Ebendọ edisịm” (ufan̄ikọ 10)—Jesus edi ndibiere ikpe ke ini akwa ukụt ekperede ndikụre
-
Nditọiban oro ẹnyenede ọniọn̄ ẹsan̄a ye ebendọ ẹdụk usọrọ ndọ, ndien ẹberi usụn̄ (ufan̄ikọ 10)—Jesus atan̄ mbon oro ẹyetde aran, emi ẹsọn̄ọde ẹda, aka heaven; edi mbon oro mîsọn̄ọke ida ẹtaba akwa ifet emi