NTAK EMI EDIDE AKPAN N̄KPỌ: Akpa Corinth edi kiet ke otu leta 14 oro apostle Paul ekewetde ọnọ mme Christian man ọsọn̄ọ mmọ idem. Ke ini owo ewetde leta, enye esikeme nditịm n̄kere mbemiso ewetde ikọ, ndien owo emi enye ewetde leta oro ọnọ ekeme ndikot mfiak n̄kot. Imekeme ndida leta n̄kwọrọ ikọ nnọ iman nnyịn, mme ufan nnyịn, ye mbọhọidụn̄ nnyịn. Imekeme n̄ko ndida leta n̄kwọrọ ikọ nnọ mbon oro nnyịn mîsikemeke ndikụt iso ye iso. Ke uwụtn̄kpọ, owo ekeme ndima etop Bible, edi nnyịn isikwe enye ke ufọk. Ekeme ndisọn̄ nnyịn ndisikwọrọ ikọ nnọ mbon oro ẹdụn̄de ke ufọk emi mbon ukpeme ẹdude, ufọk emi ẹsịnde ọkọ, ye mbon emi ẹdụn̄de ẹyom usụn̄ ẹkpọn̄ obio. Nso ke ikpeti ke ini iyomde ndiwet leta nnọ owo, akpan akpan owo emi mîdiọn̄ọke nnyịn?

NTE AKPANAMDE:

• Wet se ekpetịn̄de edieke okụtde owo oro iso ye iso. Tịn̄ owo emi afo edide ke ntọn̄ọ leta fo ye ntak emi ewetde enye. Emekeme ndibụp mbụme emi oyomde owo oro ekere aban̄a, onyụn̄ ọdọhọ enye aka ikpehe Intanet nnyịn. Ekem tịn̄ nte isikpepde mme owo Bible mîdịghe siak ndusụk ibuotikọ emi odude ke kiet ke otu n̄wed oro isidade ikpep mme owo Bible. Emekeme ndisịn kad jw.org, n̄wedikot mbono esop, m̀mê tract ke leta oro

• Kûwet n̄kpọ awak akaha. Tre mbemiso akak enyeneufọk ndikot.—Se nte leta ekpetiede

• Kụt ete ke emewet ikọ ọfọn onyụn̄ ewet ke usụn̄ emi edinemde owo oro ndikot. Kot fiak kot man ese m̀mê amanam ndudue. Dian nnennen stamp oro anade adian