NTAK EMI EDIDE AKPAN N̄KPỌ: Ediwak mbon emi ẹdide nnan isimaha ndineme nneme ye isenowo. Ntre, esiyom ẹda mbufiọk ẹkwọrọ ikọ ẹnọ mmọ. Jehovah ekere aban̄a mme nnan. (Le 19:14) Imekeme ndikpebe uwụtn̄kpọ esie edieke inamde ofụri se ikekeme man in̄wam mme nnan ẹkpep n̄kpọ ẹban̄a Jehovah.

NTE AKPANAMDE

• Ka ‘koyom’ mme nnan. (Mt 10:11) Ndi ọmọdiọn̄ọ owo emi enyenede owo ke ufọk mmọ emi edide nnan? Ndi ufọkn̄wed, ufọkibọk, m̀mê itie ntre emi ẹkpemade ndinyene n̄wed mme nnan odu ke efakutom mbufo?

• Wụt ke emekere aban̄a mmọ. Edieke anamde n̄kpọ ufan ufan ye owo emi edide nnan onyụn̄ owụtde ke emenen̄ede oyom ndin̄wam enye, ndịk idinamke enye. Da n̄kpọ emi mbon edem mbufo ẹsimade nditịn̄ mban̄a tọn̄ọ nneme ye enye

• N̄wam mmọ ẹkpep n̄kpọ ẹban̄a Jehovah. Esop Jehovah ẹsio nsio nsio n̄wed ẹnọ mbon emi mîkwe n̄kpọ ọfọn ye mbon emi ẹdide nnan. Bụp owo oro utọ n̄wed emi enye akpamade. Akpana esenyịn utom okụt ete ke eyenete emi esede aban̄a n̄wed esitobo utọ n̄wed emi owo emi edide nnan oyomde