Se iketịbede inọ nditọ Israel ke Unaisọn̄ Moab ekeme ndikpep nnyịn ediwak n̄kpọ. (1Co 10:6, 8, 11) Nditọ Israel ndikodụk ndụk ye iban Moab emi ẹkedude oburobụt uwem ẹnyụn̄ ẹkponode ndem ama anam mmọ ẹkenam akwa idiọkn̄kpọ. Emi ama ada akamba afanikọn̄ ọsọk mmọ. (Nu 25:9) Ata ediwak mbon itieutom nnyịn, nditọ ufọkn̄wed nnyịn, mbọhọidụn̄ nnyịn, iman nnyịn, ye mbon en̄wen oro idiọn̄ọde ikponoke Jehovah. Nso ke mbụk Bible emi ekpep nnyịn aban̄a se ikemede nditịbe edieke isidụkde ndụk ye utọ mbon oro?

ẸSE EKPRI VIDIO ORO ẸDADE ẸTO VIDIO ORO KPEP N̄KPỌ TO SE IKETỊBEDE KE ESET, EKEM ẸBỌRỌ MME MBỤME EMI:

• Nso ke Zimri ye mbon en̄wen ẹketịn̄ ye Jamin, emi mîkenenke?

• Didie ke Phinehas akan̄wam Jamin ese n̄kpọ nte Jehovah esede?

• Didie ke nditie ufan ufan ye owo emi mîkponoke Jehovah okpụhọde ye ndidi ufan esie?

• Ntak emi anade isasat mbon emi ẹdide ata ufan nnyịn, ekpededi ke esop Abasi?

• Ntak emi mîfọnke isitiene ineme nneme ke Intanet ye mbon emi nnyịn mîdiọn̄ọke?